Read Ndebele-IBhayibhili Elingcwele 2006 Ujobho 39 Bible Online

Ujobho 39 - Ndebele-IBhayibhili Elingcwele 2006 bible

Ujobho 39

¹Uyasazi yini isikhathi sokuzala kwamagogo edwala? Uyananzelela yini ukuhelelwa kwezimpala?

²Ungazibala yini inyanga e zi zi gcwalisayo? Njalo uyasazi yini isikhathi sokuzala kwazo?

³Zigoba, zizale abantwana bazo, zikhuphe imihelo yazo.

⁴Amazinyane azo aqine akhule egangeni; asuke ahambe, angabuyi kuzo.

⁵Ngubani owakhupha ubabhemi weganga ekhululekile? Njalo ngubani othukulule izibopho zikababhemi weganga,

⁶engimmisele inkangala ibe ngumuzi wakhe, lesimunyu sibe zindawo zakhe zokuhlala?

⁷Uhleka umsindo womuzi, angezwa imisindo yomtshayeli.

⁸Udinga izintaba ezi lidlelo lakhe, edinga elandela konke okuluhlaza.

⁹Inyathi iyavuma yini ukukusebenzela? Izalala yini esibayeni sakho ebusuku?

¹⁰Ungayibophela inyathi yini ngentambo yayo emfolweni? Ingabhuqa yini izihotsha emva kwakho?

¹¹Ungathembela kuyo yini ngoba amandla ayo makhulu? Ungayiyekelela yini umtshikatshika wakho?

¹²Ungayikholwa yini ukuthi izabuyisa inhlanyelo yakho, njalo i yi buthele e bale ni lokubhulela lakho?

¹³Impiko zezintshe ziyaphaphazela ngentokozo; kodwa ziz impiko lezinsiba zengabuzane yini?

¹⁴Ngoba itshiya amaqanda ayo emhlabathini, iwakhudumeze othulini,

¹⁵iyakhohlwa ukuthi unyawo lungawachoboza, lokuthi isilo seganga singawanyathela.

¹⁶Iwaphatha kalukhuni amatsiyane ayo, kungathi kawayisiwo awayo; umtshikatshika wayo uyize, ingelakwesaba.

¹⁷Ngoba uNkulunkulu wayithathela inhlakanipho, kayabelanga ukuqedisisa.

¹⁸Lapho sekuyisikhathi iyaziphakamisela phezulu, ihleke ibhiza lomgadi walo.

¹⁹Uzanika yini ibhiza amandla? Uyayigqokisa yini intamo yalo ngomhlonga?

²⁰Uyalenza leqe yini njengentethe? Ubukhosi bokukhala kwalo buyesabeka.

²¹Liyaphanda esihotsheni, lithokoze ngamandla alo, liphume ukuhlangabeza izikhali.

²²Liyakuhleka ukwesaba, kalesabi, kaliphenduki phambi kwenkemba.

²³Phezu kwalo isamba semitshoko siyakhehlezela, umkhonto ophazimayo lomdikadika.

²⁴Ngokuqhuqha lokufutheka liginye umhlaba; kalikholwa ukuthi ngumsindo wophondo.

²⁵Ekukhaleni kophondo lithi: Aha! Linuke impi ikhatshana, umdumo wezinduna, lokumemeza.

²⁶Ukhozi luyaphapha yini ngokuqedisisa kwakho, luselulela impiko zalo eningizimu?

²⁷Ilinqe liyaqonga yini ngokulaya kwakho? Lakhe isidleke salo engqongeni yini?

²⁸Lihlala lilale ebusuku edwaleni, engqongeni yedwala leyenqaba.

²⁹Lisuka lapho lidinga ukudla; amehlo alo abonela khatshana.

³⁰Lamatsiyane alo azitika ngegazi; lalapho okukhona ababuleweyo likhona.