Read Ndebele-IBhayibhili Elingcwele 2006 Ujobho 4 Bible Online

Ujobho 4 - Ndebele-IBhayibhili Elingcwele 2006 bible

Ujobho 4

¹UElifazi umThemani wasephendula wathi:

²Uba sizama ilizwi kuwe, uzadabuka yini? Kodwa ngubani ongazibamba emazwini?

³Khangela, uqondisile abanengi, waqinisa izandla ezibuthakathaka.

⁴Amazwi akho amvusile okhubekayo, waqinisa amadolo axegayo.

⁵Kodwa khathesi kufikile kuwe, uyadinwa; kuyakuthinta wena, utshaywa luvalo.

⁶Ukwesaba kwakho uNkulunkulu kakusiso isibindi sakho yini, lobuqotho bendlela zakho ithemba lakho?

⁷Akukhumbule, ngubani owake wachithwa engelacala? Kumbe abalungileyo bake baqunywa ngaphi?

⁸Njengengikubonileyo, abalima ububi behlanyela udubo, bavuna khona.

⁹Ngokuphephetha kukaNkulunkulu bayabhubha, langokuphefumula kwamakhala akhe bayaphela.

¹⁰Ukubhonga kwesilwane, lelizwi lesilwane esesabekayo, lamazinyo amabhongo esilwane, kwephukile.

¹¹Isilwane esidala siyabhubha ngokuswela impango, lemidlwane yesilwanekazi isabalale.

¹²Ngasenginyenyezelwa ilizwi, lendlebe yami yemukela okuncinyane kwalo.

¹³Phakathi kwemicabango yemibono yebusuku, lapho ubuthongo obukhulu busehlela abantu,

¹⁴ukwesaba kwangifikela lokuthuthumela okwenza ubunengi bamathambo ami baqhaqhazela.

¹⁵Kwasekusedlula umoya ebusweni bami, loboya benyama yami bavuka.

¹⁶Wema, kodwa angikuqondanga ukubonakala kwawo; isimo sasiphambi kwamehlo ami; kwathula, ngasengisizwa ilizwi lisithi:

¹⁷Kambe umuntu angalunga okwedlula uNkulunkulu? Umuntu angahlambuluka okwedlula uMenzi wakhe yini?

¹⁸Khangela, kazithembi inceku zakhe, lengilosi zakhe uzibeka icala.

¹⁹Kangakanani abahlala endlini zebumba, abasisekelo sabo sisethulini, a bachotshozwa phambi kwenundu.

²⁰Bakhandwa kusukela ekuseni kuze kube kusihlwa, kungelakunanzwa bayabhubha kuze kube nininini.

²¹Ubuhle babo kabususwa labo yini? Bayafa kodwa bengalanhlakanipho.