Read Ndebele-IBhayibhili Elingcwele 2006 Ujobho 40 Bible Online

Ujobho 40 - Ndebele-IBhayibhili Elingcwele 2006 bible

Ujobho 40

¹I Nkosi yasiphendula uJobe yathi:

²Ophikisana loSomandla uza m qondisa yini? Osola uNkulunkulu kakuphendule.

³UJobe waseyiphendula i Nkosi wathi:

⁴Khangela, ngiphansi; ngingakuphendula ngithi ni? Ngibeka isandla sami emlonyeni wami.

⁵Ngikhulumile kanye, kodwa kangiyikuphendula; kumbe kabili, kodwa kangiyikuqhubeka.

⁶I Nkosi yasimphendula uJobe isesivunguzaneni yathi:

⁷Bopha khathesi ukhalo lwakho njengendoda; ngizakubuza, ubusungazisa.

⁸Isibili, uzachitha isahlulelo sami yini? Ungilahle, ukuze ube ngolungileyo yini?

⁹Njalo ulengalo yini njengoNkulunkulu? Kumbe ungaduma yini ngelizwi njengaye?

¹⁰Khathesi zicecise ngobukhosi lokuphakama, uzembese ngodumo lenkazimulo.

¹¹Usabalalise intukuthelo zolaka lwakho, ukhangele wonke ozigqajayo, umthobise.

¹²Khangela wonke ozigqajayo, umehlisele phansi, unyathelele phansi ababi endaweni yabo.

¹³Ubafihle bonke ethulini, ubophe ubuso babo ngasese.

¹⁴Khona lami ngizakudumisa, ngoba isandla sakho sokunene sizakusindisa.

¹⁵Ake ukhangele imvubu engayenza kanye lawe; idla utshani njengenkabi.

¹⁶Ake ukhangele, amandla ayo asekhalweni lwayo, lokuqina kwayo kusemisipheni yesisu sayo.

¹⁷Iyagobisa umsila wayo njengomsedari; imisipha yemilenze yayo yelukene.

¹⁸Amathambo ayo a njeng emigelo yethusi, amathambo ayo anjengemigoqo yensimbi.

¹⁹Ingeyokuqala yezindlela zikaNkulunkulu; owayenzayo wasondeza inkemba yayo.

²⁰Ngoba intaba ziyayivezela ukudla, lapho okudlala khona inyamazana zonke zeganga.

²¹Ilala phansi kwesihlahla esiluhlaza, ekusithekeni kwemihlanga lamaxhaphozi.

²²Izihlahla eziluhlaza ziyayisibekela ngo mthunzi wazo; imidubu yesifula iyayiphahla.

²³Khangela, umfula uya yi cindezela, kayiphangisi; ilesibindi lanxa iJordani ingaphuphumela emlonyeni wayo.

²⁴Ongayibamba yini ngamehlo ayo? Ongahlaba yini amakhala ayo ngemijibila?