Read Ndebele-IBhayibhili Elingcwele 2006 Ujobho 41 Bible Online

Ujobho 41 - Ndebele-IBhayibhili Elingcwele 2006 bible

Ujobho 41

¹Ungamhudula yini uLeviyathani ngengwegwe, kumbe ulimi lwakhe ngentambo o yenza itshone?

²Ungafaka yini umhlanga ekhaleni lakhe, kumbe ubhoboze umhlathi wakhe ngameva?

³Uzakuncenga kanengi yini? Uzakhuluma lawe ngathambileyo yini?

⁴Uzakwenza isivumelwano lawe yini? Uzamthatha abe yinceku kokuphela yini?

⁵Uzadlala laye yini njengenyoni? Kumbe uzambophela amantombazana akho yini?

⁶Abathengi bazathengiselana ngaye yini? Bazakwehlukaniselana ngaye yini phakathi kwabathengisayo?

⁷Uzagcwalisa yini isikhumba sakhe ngezinhlendla, lekhanda lakhe ngemikhonto yenhlanzi?

⁸Beka isandla sakho phezu kwakhe, khumbula impi, ungakwenzi futhi.

⁹Khangela, ithemba lakhe lizakuba ngamanga. Laye uzaphoselwa phansi yini ngokumbona?

¹⁰Kakho olesihluku sokuthi amvuse. Ngubani-ke yena ongazimisa phambi kwami?

¹¹Ngubani onganduleleyo ukuthi ngi m bhadale? Okungaphansi kwamazulu wonke ngokwami.

¹²Kangiyikuthula mayelana lezitho zakhe, lendaba yamandla akhe, lobuhle besimo sakhe.

¹³Ngubani ongabonakalisa ubuso besembatho sakhe? Ngubani ongeza lamatomu akhe aphindwe kabili?

¹⁴Ngubani ongavula iminyango yobuso bakhe? Amazinyo akhe ayesabeka inhlangothi zonke.

¹⁵Imizila yamahawu akhe ilokuziqhenya, ivalelwe ngophawu oluqinisiweyo.

¹⁶Elinye lisondele kwelinye, ukuze kungangeni umoya phakathi kwawo.

¹⁷Ahlangene, abambana, ukuze angehlukaniswa.

¹⁸Ukuthimula kwakhe kuphazima ukukhanya, lamehlo akhe anjengenkophe zemadabukakusa.

¹⁹Emlonyeni wakhe kuphuma izihlanti, ziqhatshe ziphume inhlansi zomlilo.

²⁰Emakhaleni akhe kuphuma intuthu, njengembiza ebilayo lomhlanga.

²¹Umoya wakhe uvuthela amalahle, lelangabi liphume emlonyeni wakhe.

²²Entanyeni yakhe kuhlala amandla, laphambi kwakhe kugida usizi.

²³Amavinqo enyama yakhe anamathelene, aqinile kuye, kawanyikinyeki.

²⁴Inhliziyo yakhe iqinile njengelitshe, yebo, ilukhuni njengelitshe lokuchola elingaphansi.

²⁵Ekuvukeni kwakhe amaqhawe ayesaba, ekubhuleni batshedela emuva.

²⁶Ofinyelela kuye ngenkemba angeme, umkhonto, umtshoko, lomdikadika.

²⁷Uthatha insimbi njengotshani, ithusi njengogodo olubolileyo.

²⁸Umtshoko kawumenzi abaleke; amatshe esavutha aphendulwa nguye abe yizibi.

²⁹Isagila sitshaywa njengezibi; uhleka ukugenqeza komdikadika.

³⁰Ngaphansi kwakhe kulendengezi ezibukhali; wendlala izinto ezibukhali odakeni.

³¹Wenza inziki zibile njengembiza, enze ulwandle lube njengembiza yamafutha.

³²Ngemva kwakhe wenza indlela ikhanye; inziki zingathiwa ziyimpunga.

³³Kakukho emhlabeni okufanana laye, owenziwa angabi lokwesaba.

³⁴Ukhangela konke okuphakemeyo; uyinkosi phezu kwabo bonke abantwana bokuzigqaja.