Read Ndebele-IBhayibhili Elingcwele 2006 Ujobho 9 Bible Online

Ujobho 9 - Ndebele-IBhayibhili Elingcwele 2006 bible

Ujobho 9

¹UJobe wasephendula wathi:

²Ngeqiniso ngiyazi ukuthi kunjalo. Kodwa umuntu angalunga njani kuNkulunkulu?

³Uba efisa ukuphikisana laye, kayikumphendula okukodwa phakathi kwenkulungwane.

⁴Uhlakaniphile enhliziyweni, uqinile emandleni: Ngubani oziqinisileyo wamelana laye waphumelela?

⁵Osusa izintaba njalo zingazi, ozigenqula entukuthelweni yakhe.

⁶Onyikinya umhlaba awususe endaweni yawo, lensika zawo zizamazame.

⁷Olaya ilanga ukuthi lingaphumi, avalele inkanyezi ngophawu.

⁸Owendlala amazulu eyedwa, anyathele phezu kwezingqonga zolwandle.

⁹Owenza iBhere, iziNja, lesiLimela, lamakamelo eningizimu.

¹⁰Owenza izinto ezinkulu ezingelakuhlolwa, lezimangalisayo ezingelakubalwa.

¹¹Khangela, uyedlula phansi kwami nginga m boni, edlulele phambili ngingamuzwa.

¹²Khangela, uyahluthuna, ngubani ongamnqanda? Ngubani ongathi kuye: Wenzani?

¹³UNkulunkulu kayinqandi intukuthelo yakhe. Abasizi bokuziqhenya bayakhothama phansi kwakhe.

¹⁴Pho-ke, mina ngingamphendula ngithini, ngikhethe amazwi ami okuqondana laye?

¹⁵Ebengingeke ngamphendula loba bengilungile; ngizacela isihawu kumahluleli wami.

¹⁶Uba bengibizile, wangiphendula, bengingayikukholwa ukuthi ubekile indlebe elizwini lami.

¹⁷Ngoba uyangihlifiza ngesiphepho, andise amanxeba ami kungelasizatho.

¹⁸Kangivumeli ukukhokha umoya, kodwa engigcwalisa ngezinto ezibabayo.

¹⁹Uba ku ngamandla, khangela, ul amandla. Njalo uba ku ngesahlulelo, ngubani ozangimisela isikhathi?

²⁰Aluba ngilungile, umlomo wami uzangilahla; uba ngiphelele, uzakuthi ngonakele.

²¹Ngiphelele, angikhathaleli umphefumulo wami, ngidelela impilo yami.

²²Kunye lokho, ngenxa yalokho ngithi: Uyabhubhisa olungileyo lomubi.

²³Lapho isiswepu sibulala ngokujumayo, uzahleka ukudangala kwabangelacala.

²⁴Umhlaba unikelwe esandleni somubi; wembesa ubuso babehluleli bawo. Uba kungenjalo, pho, ngubani?

²⁵Njalo insuku zami zilejubane kulesigijimi; ziyabaleka, kaziboni okuhle.

²⁶Ziyedlula njengezikepe zomhlanga, njengokhozi olutheleka empangweni.

²⁷Uba ngisithi: Ngizakhohlwa ukusola kwami, ngitshiye ukunyukumala kwami, ngithokoze,

²⁸ngiyesaba zonke insizi zami, ngiyazi ukuthi kawuyikungiphatha njengongelacala.

²⁹Ngilecala mina, pho, ngizatshikatshikelelani ize?

³⁰Uba ngizigezisa ngamanzi eliqhwa elikhithikayo, ngihlambulule izandla zami ngesepa,

³¹khona uzangiphosela emgodini, besengisenyanywa yizigqoko zami.

³²Ngoba kasuye umuntu njengami ukuze ngimphendule, ukuze siye ndawonye kusahlulelo.

³³Kakukho umqamuli phakathi kwethu o ngabeka isandla sakhe phezu kwethu sobabili.

³⁴Kasuse uswazi lwakhe kimi, njalo uvalo ngaye lungangethusi.

³⁵Bengingakhuluma ngingamesabi, kodwa anginjalo ngokwami.