Read Ndebele-IBhayibhili Elingcwele 2006 Amarhubo 103 Bible Online

Amarhubo 103 - Ndebele-IBhayibhili Elingcwele 2006 bible

Amarhubo 103

¹Busisa i Nkosi, mphefumulo wami, lakho konke okuphakathi kwami ibizo layo elingcwele.

²Busisa i Nkosi, mphefumulo wami, ungakhohlwa zonke izinzuzo zayo,

³ethethelela zonke izono zakho, eyelapha zonke izifo zakho,

⁴ehlenga impilo yakho ekubhujisweni, ekwethwesa umqhele womusa lezihawu,

⁵esuthisa umlomo wakho ngokuhle, ukuze ubutsha bakho buvuswe njengobokhozi.

⁶I Nkosi iyabenzela ukulunga lezahlulelo bonke abacindezelweyo.

⁷Yamazisa uMozisi indlela zayo, abantwana bakoIsrayeli izenzo zayo.

⁸I Nkosi ilesihawu lomusa, iyaphuza ukuthukuthela, njalo ivame ububele.

⁹Kayiyikuphikisana njalonjalo, kayiyikugcina intukuthelo kuze kube nininini.

¹⁰Kayisenzelanga njengokwezono zethu, kayisiphindiselanga njengokweziphambeko zethu.

¹¹Ngoba njengokuphakama kwamazulu ngaphezu komhlaba, umkhulu umusa wayo kubo abayesabayo.

¹²Njengobukhatshana bempumalanga kuyo intshonalanga, ngokunjalo izisusele khatshana lathi iziphambeko zethu.

¹³Njengoyise ehawukela abantwana, i Nkosi iyabahawukela labo abayesabayo.

¹⁴Ngoba iyakwazi ukubunjwa kwethu, ikhumbula ukuthi siluthuli.

¹⁵Umuntu, insuku zakhe zinjengotshani; njengeluba leganga, ngokunjalo uyakhahlela.

¹⁶Ngoba umoya wedlula phezu kwalo, njalo lingabikho, lendawo yalo ingabe isalazi.

¹⁷Kodwa umusa we Nkosi usukela ephakadeni usiya ephakadeni phezu kwabayesabayo, lokulunga kwayo kuze kube sebantwaneni babantwana,

¹⁸kubo abagcina isivumelwano sayo, lakubo abakhumbula imithetho yayo ukuyenza.

¹⁹I Nkosi imisile isihlalo sayo sobukhosi emazulwini, lombuso wayo ubusa phezu kwakho konke.

²⁰Busisani i Nkosi, lina zingilosi zayo, maqhawe alamandla, ezenza ilizwi layo, lilalela ilizwi lelizwi layo.

²¹Busisani i Nkosi, lonke mabandla ayo, zikhonzi zayo, ezenza intando yayo.

²²Busisani i Nkosi, lonke misebenzi yayo, endaweni zonke zombuso wayo. Busisa i Nkosi, mphefumulo wami.