Read Ndebele-IBhayibhili Elingcwele 2006 Amarhubo 106 Bible Online

Amarhubo 106 - Ndebele-IBhayibhili Elingcwele 2006 bible

Amarhubo 106

¹Dumisani i Nkosi ! Ibongeni i Nkosi ngoba ilungile, ngoba umusa wayo umi kuze kube nininini.

²Ngubani ongalandisa izenzo ezilamandla ze Nkosi, azwakalise yonke indumiso yayo?

³Babusisiwe abagcina izahlulelo, owenza ukulunga ngaso sonke isikhathi.

⁴Ngikhumbule, Nkosi, ngothando olalo ku bantu bakho; ngethekelele ngosindiso lwakho;

⁵ukuze ngibone okuhle kwabakhethiweyo bakho, ukuze ngithokoze entokozweni yesizwe sakho, ukuze ngizincome kanye lelifa lakho.

⁶Sonile kanye labobaba, senze okubi, senza ngenkohlakalo.

⁷Obaba kabaqedisisanga izimangaliso zakho eGibhithe; kabakhumbulanga ubunengi bezisa zakho; kodwa benza umvukela elwandle, eLwandle oluBomvu.

⁸Kanti wabakhulula ngenxa yebizo lakhe, ukuze azise amandla akhe.

⁹Wasekhuza uLwandle oluBomvu, lwatsha; wasebahambisa phakathi kwezinziki njengenkangala.

¹⁰Wasebasindisa esandleni somzondi, wabahlenga esandleni sesitha.

¹¹Amanzi asibekela izitha zabo; kakusalanga l oyedwa kuzo.

¹²Basebekholwa amazwi akhe, bahlabelela indumiso yakhe.

¹³Baphanga bakhohlwa imisebenzi yakhe, kabalindelanga iseluleko sakhe.

¹⁴Kodwa bakhanuka lokukhanuka ehlane, bamlinga uNkulunkulu enkangala.

¹⁵Wasebanika isicelo sabo, kodwa wathumela ukucaka emphefumulweni wabo.

¹⁶Basebesiba lomhawu ngoMozisi enkambeni, ngoAroni ongcwele we Nkosi.

¹⁷Umhlaba wavuleka waginya uDathani, wasibekela iqembu likaAbiramu.

¹⁸Lomlilo wavutha eqenjini labo, ilangabi latshisa abakhohlakeleyo.

¹⁹Benza ithole eHorebe, bakhonza isithombe esibunjwe ngokuncibilikisa.

²⁰Basebeguqula inkazimulo yabo yaba yisifaniso senkabi edla utshani.

²¹Bamkhohlwa uNkulunkulu umsindisi wabo, owayenze izinto ezinkulu eGibhithe,

²²izimangaliso elizweni likaHamu; izinto ezesabekayo eLwandle oluBomvu.

²³Ngakho wathi uzababhubhisa, ngaphandle kokuthi uMozisi okhethiweyo wakhe wayemile ekufohleni phambi kwakhe ukuphendula ulaka lwakhe ukuze anga ba bhubhisi.

²⁴Yebo, baleyisa ilizwe elihle, kabalikholwanga ilizwi lakhe.

²⁵Kodwa bakhonona emathenteni abo, kabalilalelanga ilizwi le Nkosi.

²⁶Ngakho waphakamisa isandla sakhe emelene labo, ukubawisa enkangala,

²⁷lokuwisa inzalo yabo phakathi kwezizwe, lokubahlakaza emazweni.

²⁸Basebezihlanganisa loBhali-Peyori, badla imihlatshelo yabafileyo.

²⁹Basebe m thukuthelisa ngezenzo zabo, lenhlupheko yafohlela kibo.

³⁰Kwasekusukuma uPhinehasi, wenza isigwebo, inhlupheko yasimiswa.

³¹Lokhu kwasekubalelwa kuye njengokulunga, esizukulwaneni ngesizukulwana kuze kube nininini.

³²Basebemthukuthelisa emanzini eMeriba, kwaze kwaba kubi kuMozisi ngenxa yabo.

³³Ngoba bacunula umoya wakhe, waze wakhuluma ngamawala ngendebe zakhe.

³⁴Kabazibhubhisanga izizwe, i Nkosi eyayibatshele ngazo.

³⁵Kodwa bazihlanganisa lezizwe, bafunda imisebenzi yazo.

³⁶Basebekhonza izithombe zazo ezaba ngumjibila kubo.

³⁷Lamadodana abo lamadodakazi abo bawahlabela amadimoni.

³⁸Bachitha igazi elingelacala, igazi lamadodana abo lamadodakazi abo, abawahlabela izithombe zeKhanani; lelizwe langcoliswa ngegazi.

³⁹Basebengcola ngemisebenzi yabo, baphinga ngezenzo zabo.

⁴⁰Ngakho ulaka lwe Nkosi lwabavuthela abantu bayo, yanengwa yilifa layo.

⁴¹Yabanikela esandleni sezizwe, lababazondayo bababusa.

⁴²Lezitha zabo zabacindezela, basebethotshiswa ngaphansi kwesandla sazo.

⁴³Yabakhulula kanengi; kodwa bona ba yi vukela ngecebo labo, behliswa ngobubi babo.

⁴⁴Loba kunjalo yabona ukuhlupheka kwabo, lapho isizwa ukukhala kwabo.

⁴⁵Yabakhumbulela isivumelwano sayo, yazisola njengobunengi bezisa zayo.

⁴⁶Yabanika izisa phambi kwabo bonke ababebathumbile.

⁴⁷Sisindise, Nkosi Nkulunkulu wethu, usibuthe sivela ezizweni, ukubonga ibizo lakho elingcwele, ukuzincoma endumisweni yakho.

⁴⁸Kayibusiswe i Nkosi, uNkulunkulu kaIsrayeli, kusukela phakade kuze kube sephakadeni! Abantu bonke kabathi: Ameni. Dumisani i Nkosi !