Read Ndebele-IBhayibhili Elingcwele 2006 Amarhubo 109 Bible Online

Amarhubo 109 - Ndebele-IBhayibhili Elingcwele 2006 bible

Amarhubo 109

¹Nkulunkulu wendumiso yami, ungathuli.

²Ngoba umlomo wokhohlakeleyo lomlomo wenkohliso uvulekile umelene lami; bakhulume lami ngolimi lwamanga.

³Bangihanqa ngamazwi enzondo, balwa bemelene lami kungelasizatho.

⁴Esikhundleni sothando lwami bayizitha zami, kodwa mina ngi se mkhulekw eni.

⁵Basebengibuyisela okubi esikhundleni sokuhle, lenzondo esikhundleni sothando lwami.

⁶Umise omubi phezu kwakhe, loSathane kame ngakwesokunene sakhe.

⁷Ekwahlulelweni kwakhe kaphume elecala; lomkhuleko wakhe ube yisono.

⁸Insuku zakhe kazibe nlutshwana; omunye athathe isikhundla sakhe.

⁹Abantwana bakhe kabangabi loyise, lomkakhe abe ngumfelokazi.

¹⁰Abantwana bakhe kabazulazule bephanza, bacele bevela emanxiweni abo.

¹¹Umbolekisi kabambe konke alakho, labezizweni baphange izithelo zomsebenzi wakhe.

¹²Kungabi khona omelulela umusa, futhi kungabi khona ozwela intandane zakhe.

¹³Inzalo yakhe kayiqunywe, lebizo labo lesulwe esizukulwaneni esilandelayo.

¹⁴Ububi baboyise bukhunjulwe e Nkosi ni, lesono sikanina singesulwa.

¹⁵Kabube phambi kwe Nkosi njalonjalo, ukuze aqume ukukhunjulwa kwabo kusuke emhlabeni.

¹⁶Ngenxa yokuthi wayengakhumbuli ukwenza umusa, kodwa wazingela umuntu ohluphekayo longumyanga, lodabukileyo enhliziyweni uku m bulala.

¹⁷Njengoba wathanda ukuqalekisa, ngakho kakwehlele kuye; njengoba wayengathandi ukubusisa, ngakho kakube khatshana laye.

¹⁸Njengoba wagqoka isiqalekiso njengesigqoko sakhe, ngakho kakungene emibilini yakhe njengamanzi, lanjengamafutha emathanjeni akhe.

¹⁹Kakube kuye njengesembatho azembesa ngaso, kube libhanti azibopha ngalo njalonjalo.

²⁰Lokhu kube ngumvuzo wezitha zami ovela e Nkosi ni, lowalabo abakhuluma okubi ngomphefumulo wami.

²¹Kodwa wena, Jehova, Nkosi, ngenzela ngenxa yebizo lakho; ngoba umusa wakho ulungile, ngikhulule.

²²Ngoba mina ngiyisihlupheki lomyanga, lenhliziyo yami ilimele phakathi kwami.

²³Ngedlula njengesithunzi sisiba side; ngizanyazanyiswe njengesikhonyane.

²⁴Amadolo ami ayaxega ngokuzila ukudla, lenyama yami isicakile iswela ukukhuluphala.

²⁵Mina sengibe lihlazo kubo, bengibona banikina ikhanda labo.

²⁶Ngisize, Nkosi, Nkulunkulu wami, ungisindise ngokomusa wakho.

²⁷Ukuze bazi ukuthi lesi yisandla sakho; wena, Nkosi, ukwenzile.

²⁸Kabathuke bona, kodwa wena ubusise; nxa bevuka kabayangeke, kodwa inceku yakho kayithabe.

²⁹Izitha zami kazigqokiswe ngehlazo, kazizigoqele ngenhloni zazo njengesembatho.

³⁰Ngizayibonga kakhulu i Nkosi ngomlomo wami; njalo ngizayidumisa phakathi kwabanengi.

³¹Ngoba izakuma ngakwesokunene komyanga, uku m sindisa kulabo abalahla umphefumulo wakhe.