Read Ndebele-IBhayibhili Elingcwele 2006 Amarhubo 119 Bible Online

Amarhubo 119 - Ndebele-IBhayibhili Elingcwele 2006 bible

Amarhubo 119

¹Babusisiwe abaqotho endleleni, abahamba emlayweni we Nkosi.

²Babusisiwe abagcina izifakazelo zayo, a bayidinga ngenhliziyo yonke.

³Njalo kabenzi okubi, bahamba endleleni zayo.

⁴Wena usulayile ukugcina ngokukhuthala imithetho yakho.

⁵Kungathi izindlela zami zingaqondiswa ukugcina izimiso zakho!

⁶Khona ngingayikuyangeka, lapho nginanzelela yonke imithetho yakho.

⁷Ngizakudumisa ngobuqotho benhliziyo, sengifunde izahlulelo zokulunga kwakho.

⁸Ngizagcina izimiso zakho. Ungangitshiyi ngokupheleleyo.

⁹Ijaha lingayihlanza ngani indlela yalo? Ngokuqaphela njengokwelizwi lakho.

¹⁰Ngikudingile ngenhliziyo yami yonke; ungangiphambuli emithethweni yakho.

¹¹Ilizwi lakho ngilifihlile enhliziyweni yami, ukuze ngingoni kuwe.

¹²Ubusisiwe wena, Nkosi; ungifundise izimiso zakho.

¹³Ngezindebe zami ngilandisile zonke izahlulelo zomlomo wakho.

¹⁴Ngithokozile ngendlela yezifakazelo zakho njengaphezu kwenotho yonke.

¹⁵Ngizazindla ngemithetho yakho, ngikhangele ezindleleni zakho.

¹⁶Ngizazithokozisa ngezimiso zakho; kangiyikukhohlwa ilizwi lakho.

¹⁷Iphathe kuhle inceku yakho, ukuze ngiphile ngigcine ilizwi lakho.

¹⁸Vula amehlo ami ukuze ngibone izimangaliso ezivela emlayweni wakho.

¹⁹Ngiyisihambi emhlabeni; ungangifihleli imithetho yakho.

²⁰Umphefumulo wami uyadabuka ngenxa yokulangathela izahlulelo zakho ngaso sonke isikhathi.

²¹Ukhuzile abaziqakisayo abaqalekisiweyo, abaduha emithethweni yakho.

²²Susa kimi ihlazo lokudelela, ngoba ngigcinile izifakazelo zakho.

²³Iziphathamandla lazo zahlala zakhuluma zimelene lami; inceku yakho yazindla ngezimiso zakho.

²⁴Izifakazelo zakho lazo ziyintokozo yami, zingabeluleki bami.

²⁵Umphefumulo wami unamathele ethulini; ngivuselela ngokwelizwi lakho.

²⁶Ngilandisile indlela zami, wangiphendula. Ngifundisa izimiso zakho.

²⁷Ngenze ngiqedisise indlela yemithetho yakho, ukuze ngikhulume ngezenzo zakho ezimangalisayo.

²⁸Umphefumulo wami uyathonta ngenxa yosizi; ngiqinisa ngokwelizwi lakho.

²⁹Susa kimi indlela yamanga, unginike ngomusa umlayo wakho.

³⁰Ngikhethile indlela yeqiniso, ngibekile phambi kwami izahlulelo zakho.

³¹Nginamathele ezifakazelweni zakho; Nkosi, ungangiyangisi.

³²Ngizagijima e ndlel eni yemithetho yakho, ngoba uzakhulisa inhliziyo yami.

³³Ngifundisa, Nkosi, indlela yezimiso zakho, njalo ngizayigcina kuze kube sekupheleni.

³⁴Ngiphe ukuqedisisa ngibe sengigcina umlayo wakho, yebo ngiwulondoloze ngenhliziyo yonke.

³⁵Ngihambisa endleleni yemithetho yakho, ngoba ngiyathokoza ngayo.

³⁶Thobisela inhliziyo yami ezifakazelweni zakho, kungabi semhawini.

³⁷Susa amehlo ami ukuze angaboni okuyize; ungivuselele endleleni yakho.

³⁸Qinisa ilizwi lakho encekwini yakho e zinik ele ukukwesaba.

³⁹Susa isigcono engisesabayo, ngoba izahlulelo zakho zilungile.

⁴⁰Khangela, ngiyalangatha imithetho yakho; ngivuselela ekulungeni kwakho.

⁴¹Lezisa zakho kazize kimi, Nkosi, usindiso lwakho ngokwelizwi lakho.

⁴²Khona ngizakuba lakho ukuphendula ongithukayo, ngoba ngiyathembela elizwini lakho.

⁴³Njalo ungasusi ngokupheleleyo emlonyeni wami ilizwi leqiniso, ngoba ngithembele ezahlulelweni zakho.

⁴⁴Ngokunjalo ngizawugcina umlayo wakho njalonjalo, kuze kube phakade laphakade.

⁴⁵Ngizahamba ebubanzini, ngoba ngidinga imithetho yakho.

⁴⁶Njalo ngizakhuluma ngezifakazelo zakho phambi kwamakhosi, ngingayangeki.

⁴⁷Ngizithokozise ngemithetho yakho engiyithandileyo.

⁴⁸Ngizaphakamisela lezandla zami emithethweni yakho engiyithandileyo, ngizindle ngezimiso zakho.

⁴⁹Khumbula ilizwi encekwini yakho, ongenze ngathembela kulo.

⁵⁰Le yinduduzo yami ekuhluphekeni kwami, ngoba ilizwi lakho lingivuselele.

⁵¹Abazigqajayo bangiklolodela kakhulukazi; kangiphambukanga emlayweni wakho.

⁵²Ngikhumbule izahlulelo zakho zasendulo, Nkosi, futhi ngiziduduzile.

⁵³Intukuthelo enkulu ingibambile ngenxa yababi abatshiya umlayo wakho.

⁵⁴Izimiso zakho zaba zingoma zami endlini yobuhambuma bami.

⁵⁵Ebusuku ngikhumbule ibizo lakho, Nkosi, ngigcine umlayo wakho.

⁵⁶Lokhu kwaba ngokwami ngoba ngigcinile imithetho yakho.

⁵⁷UJehova uyisabelo sami; ngithe ngizagcina amazwi akho.

⁵⁸Ngancenga ubuso bakho ngenhliziyo yonke; woba lomusa kimi ngokwelizwi lakho.

⁵⁹Ngazindla ngezindlela zami, ngaphendulela inyawo zami ezifakazelweni zakho.

⁶⁰Ngaphangisa, kangiphuzanga ukugcina imithetho yakho.

⁶¹Amaxuku ababi angihanqile; kangikhohlwa umlayo wakho.

⁶²Phakathi kobusuku ngizavuka ukuze ngikubonge ngenxa yezahlulelo zokulunga kwakho.

⁶³Ngingumngane wabo bonke abakwesabayo, labagcina imithetho yakho.

⁶⁴Nkosi, umhlaba ugcwele umusa wakho; ngifundisa izimiso zakho.

⁶⁵Wenzele inceku yakho okuhle, Nkosi, ngokwelizwi lakho.

⁶⁶Ngifundisa ingqondo enhle lolwazi, ngoba ngikholwa imithetho yakho.

⁶⁷Ngingakahlupheki ngaduha, kodwa khathesi ngigcine ilizwi lakho.

⁶⁸Wena ulungile, wenza okulungileyo; ngifundisa izimiso zakho.

⁶⁹Abazigqajayo bangibhaceke ngamanga; ngenhliziyo yonke mina ngizagcina imithetho yakho.

⁷⁰Inhliziyo yabo inone njengamahwahwa; mina ngithokoza ngomlayo wakho.

⁷¹Kungilungele ukuthi ngihlutshwe, ukuze ngifunde izimiso zakho.

⁷²Umlayo womlomo wakho ungcono kimi kulezinkulungwane zegolide lezesiliva.

⁷³Izandla zakho zingenzile, zangibumba; ngiphe ukuqedisisa ukuze ngifunde imithetho yakho.

⁷⁴Abakwesabayo bazangibona bathokoze, ngoba ngithembele elizwini lakho.

⁷⁵Ngiyazi, Nkosi, ukuthi izahlulelo zakho zilungile, lokuthi ungihluphile ngokuthembeka.

⁷⁶Umusa wakho ake ube yinduduzo yami njengokutsho kwakho encekwini yakho.

⁷⁷Izihawu zakho kazize kimi ukuze ngiphile, ngoba umlayo wakho uyintokozo yami.

⁷⁸Abazigqajayo kabayangeke, ngoba bangiphambukisa ngamanga; mina ngizazindla ngemithetho yakho.

⁷⁹Kabaphendukele kimi abakwesabayo, labazi izifakazelo zakho.

⁸⁰Inhliziyo yami kayiphelele ezimisweni zakho, ukuze ngingayangeki.

⁸¹Umphefumulo wami uyaphela ngokulangatha usindiso lwakho; ngithembela elizwini lakho.

⁸²Amehlo ami ayafiphala ngokulangatha ilizwi lakho, ngisithi: Uzangiduduza nini?

⁸³Ngoba senginjengomgodla osentuthwini; kangikhohlwa izimiso zakho.

⁸⁴Zingaki insuku zenceku yakho? Uzakwenza nini isigwebo kwabangizingelayo?

⁸⁵Abazigqajayo bangigebhela imigodi, okungenjengokomlayo wakho.

⁸⁶Yonke imithetho yakho ithembekile; bangizingela ngamanga; ngisiza!

⁸⁷Baphosa bangiqeda emhlabeni, kodwa mina kangitshiyanga imithetho yakho.

⁸⁸Ngivuselela ngokomusa wakho; ngibe sengigcina isifakazelo somlomo wakho.

⁸⁹Laphakade, Nkosi, ilizwi lakho limi emazulwini.

⁹⁰Uthembeko lwakho lusesizukulwaneni lesizukulwana; wamisa umhlaba, usemi.

⁹¹Ngokwezimiso zakho ku s emi lamuhla, ngoba konke kuzinceku zakho.

⁹²Uba umlayo wakho ubungesizo intokozo zami, ngabe sengibhubhele ekuhluphekeni kwami.

⁹³Laphakade kangiyikukhohlwa imithetho yakho, ngoba ungivuselele ngayo.

⁹⁴Ngingowakho, ungisindise; ngoba ngiyidingile imithetho yakho.

⁹⁵Ababi bangilindele ukungibhubhisa; ngiyananzelela izifakazelo zakho.

⁹⁶Ngibonile ukucina kwakho konke ukuphelela, kodwa umlayo wakho ubanzi kakhulu.

⁹⁷Ngiwuthanda kangakanani umlayo wakho! Usuku lonke uyikuzindla kwami.

⁹⁸Ngemithetho yakho uyangihlakaniphisa kulezitha zami, ngoba ilami kuze kube nininini.

⁹⁹Ngilokuqedisisa kulabo bonke abafundisi bami, ngoba izifakazelo zakho ziyikuzindla kwami.

¹⁰⁰Ngiyaqedisisa kulabadala, ngoba ngigcina imithetho yakho.

¹⁰¹Ngizinqandile inyawo zami kuyo yonke indlela embi, ukuze ngigcine ilizwi lakho.

¹⁰²Kangiphambukanga kuzahlulelo zakho, ngoba wena ungifundisile.

¹⁰³Amnandi kangakanani amazwi akho ekunambitheni kwami, okwedlula uluju emlonyeni wami!

¹⁰⁴Emithethweni yakho ngizuza ukuqedisisa; ngenxa yalokho ngizonda yonke indlela yamanga.

¹⁰⁵Ilizwi lakho liyisibane enyaweni lwami, lokukhanya endleleni yami.

¹⁰⁶Ngifungile, ngiza ku qinisa, ukugcina izahlulelo zokulunga kwakho.

¹⁰⁷Ngiyahlupheka kakhulukazi; Nkosi, ngivuselela ngokwelizwi lakho.

¹⁰⁸Nkosi, yemukela iminikelo yesihle yomlomo wami, ungifundise izahlulelo zakho.

¹⁰⁹Umphefumulo wami usesandleni sami njalonjalo, kodwa kangikhohlwa umlayo wakho.

¹¹⁰Ababi bangibekele umjibila, kodwa kangiduhanga emithethweni yakho.

¹¹¹Ngidle ilifa lezifakazelo zakho kuze kube nininini, ngoba ziyintokozo yenhliziyo yami.

¹¹²Ngithobe inhliziyo yami ukwenza izimiso zakho njalonjalo, kuze kube sekupheleni.

¹¹³Ngiyabazonda abanhliziyombili, kodwa umlayo wakho ngiyawuthanda.

¹¹⁴Wena uyisiphephelo sami lesihlangu sami; ngithemba elizwini lakho.

¹¹⁵Sukani kimi benzi bobubi, ngoba ngigcine imithetho kaNkulunkulu wami.

¹¹⁶Ngisekela ngokwelizwi lakho ukuze ngiphile, ungangiyangisi ngethemba lami.

¹¹⁷Ngisekela ngibe sengisindiswa, ngizananzelela izimiso zakho njalonjalo.

¹¹⁸Uyabalahla bonke abaduha ezimisweni zakho, ngoba ubuqili babo bungamanga.

¹¹⁹Uyasusa bonke ababi bomhlaba njeng amanyele; ngakho ngiyazithanda izifakazelo zakho.

¹²⁰Inyama yami iyathuthumela ngovalo ngawe, ngesaba izigwebo zakho.

¹²¹Ngenzile ukwahlulela lokulunga; ungangiyekeli kubacindezeli bami.

¹²²Mela inceku yakho kube kuhle, abazigqajayo kabangangicindezeli.

¹²³Amehlo ami aphelela usindiso lwakho, lelizwi lokulunga kwakho.

¹²⁴Yenza encekwini yakho ngokomusa wakho, ungifundise izimiso zakho.

¹²⁵Ngiyinceku yakho; ngiphe ukuqedisisa, ukuze ngazi izifakazelo zakho.

¹²⁶Se kuyisikhathi se Nkosi sokuthi isebenze, ngoba bawephule umlayo wakho.

¹²⁷Ngakho-ke ngiyayithanda imithetho yakho kakhulu kulegolide, yebo, kulegolide elicwengekileyo.

¹²⁸Ngalokho imithetho yakho yonke mayelana lazo zonke izinto ngiyibona iqondile; yonke indlela yamanga ngiyayizonda.

¹²⁹Izifakazelo zakho ziyamangalisa; ngakho-ke umphefumulo wami uyazigcina.

¹³⁰Ukuvulwa kwamazwi akho kuyakhanyisa, kunika ukuqedisisa kwabangelalwazi.

¹³¹Ngavula umlomo wami, ngaphefuzela, ngoba ngalangazelela imithetho yakho.

¹³²Phendukela kimi, ube lomusa kimi, njengomkhuba kulabo abathanda ibizo lakho.

¹³³Qinisa izinyathelo zami elizwini lakho, njalo kabungabusi phezu kwami labubi.

¹³⁴Ngikhulula kucindezelo lwabantu, ukuze ngigcine imithetho yakho.

¹³⁵Khanyisa ubuso bakho phezu kwenceku yakho, ungifundise izimiso zakho.

¹³⁶Imifula yamanzi iyehla emehlweni ami, ngoba kabagcini umlayo wakho.

¹³⁷Wena, Nkosi, ulungile, ziqondile izahlulelo zakho.

¹³⁸Ulayile izifakazelo zakho e zilungileyo lezithembekileyo kakhulu.

¹³⁹Ukutshiseka kwami kungiqedile, ngoba izitha zami zikhohlwe amazwi akho.

¹⁴⁰Ilizwi lakho licwengekile kakhulu; ngakho inceku yakho iyalithanda.

¹⁴¹Ngimncinyane, ngidelelekile; imithetho yakho kangiyikhohlwa.

¹⁴²Ukulunga kwakho kuyikulunga kuze kube phakade, lomlayo wakho uliqiniso.

¹⁴³Ucindezelo lohlupho kungifumene; imithetho yakho izintokozo zami.

¹⁴⁴Ukulunga kwezifakazelo zakho kungokwaphakade; ngiphe ukuqedisisa ukuze ngiphile.

¹⁴⁵Ngakhala ngenhliziyo yami yonke; ngiphendula, Nkosi. Ngizagcina izimiso zakho.

¹⁴⁶Ngikhalela kuwe; ngisindisa, njalo ngizagcina izifakazelo zakho.

¹⁴⁷Ngandulela uvivi, ngakhala; ngathembela elizwini lakho.

¹⁴⁸Amehlo ami aqalela imilindo yobusuku, ukuze ngizindle elizwini lakho.

¹⁴⁹Zwana ilizwi lami ngokomusa wakho; Nkosi, ngivuselela ngokwesehlulelo sakho.

¹⁵⁰Bayasondela abazingeli bobubi, bakhatshana lomlayo wakho.

¹⁵¹Wena useduze, Nkosi, lemithetho yakho yonke iliqiniso.

¹⁵²Sekukade ngisazi ngemilayo yakho ukuthi uyisekele kuze kube nininini.

¹⁵³Khangela ukuhlupheka kwami, ungikhulule, ngoba kangiwukhohlwa umlayo wakho.

¹⁵⁴Mela udaba lwami, ungihlenge; ngivuselela ngokwelizwi lakho.

¹⁵⁵Usindiso lukhatshana lababi, ngoba kabadingi izimiso zakho.

¹⁵⁶Izihawu zakho, Nkosi, zinkulu; ngivuselela ngokwezahlulelo zakho.

¹⁵⁷Banengi abangizingelayo labayizitha zami; kangiphambuki ezifakazelweni zakho.

¹⁵⁸Ngabona abaphambuki, ngacunuka, ngoba kabagcinanga ilizwi lakho.

¹⁵⁹Bona ukuthi ngiyayithanda imithetho yakho. Ngivuselela, Nkosi, ngokothandolomusa lwakho.

¹⁶⁰Ilizwi lakho liliqiniso kwase kuqal eni, laso sonke isahlulelo sakho esilungileyo simi kuze kube nininini.

¹⁶¹Iziphathamandla zingizingela kungelasizatho; kodwa inhliziyo yami ilovalo ngamazwi akho.

¹⁶²Ngiyathokoza ngelizwi lakho njengothole impango enkulu.

¹⁶³Amanga ngiyawazonda ngiyawenyanya; umlayo wakho ngiyawuthanda.

¹⁶⁴Kasikhombisa ngosuku ngiyakudumisa ngenxa yezahlulelo zakho ezilungileyo.

¹⁶⁵Balokuthula okukhulu abathanda umlayo wakho; njalo kakulasikhubekiso kubo.

¹⁶⁶Ngilindele usindiso lwakho, Nkosi, ngiyayenza imithetho yakho.

¹⁶⁷Umphefumulo wami uyazigcina izifakazelo zakho, ngiyazithanda kakhulu.

¹⁶⁸Ngiyagcina imithetho yakho lezifakazelo zakho, ngoba zonke indlela zami ziphambi kwakho.

¹⁶⁹Ukukhala kwami kakusondele kuwe, Nkosi; ngiphe ukuqedisisa ngokwelizwi lakho.

¹⁷⁰Ukuncenga kwami kakufike phambi kwakho; ngikhulula ngokwelizwi lakho.

¹⁷¹Indebe zami zizathulula indumiso, ngoba ungifundisile izimiso zakho.

¹⁷²Ulimi lwami luzakhuluma ilizwi lakho, ngoba yonke imithetho yakho iyikulunga.

¹⁷³Isandla sakho kasibe lusizo lwami, ngoba ngikhethile imithetho yakho.

¹⁷⁴Ngiyalangazelela usindiso lwakho, Nkosi, lomlayo wakho uyintokozo yami.

¹⁷⁵Kawuphile umphefumulo wami, njalo uzakudumisa, lezahlulelo zakho zingisize.

¹⁷⁶Ngiduhile njengemvu elahlekileyo; dinga inceku yakho, ngoba kangikhohlwa imithetho yakho.