Read Ndebele-IBhayibhili Elingcwele 2006 Amarhubo 135 Bible Online

Amarhubo 135 - Ndebele-IBhayibhili Elingcwele 2006 bible

Amarhubo 135

¹Dumisani i Nkosi ! Dumisani ibizo le Nkosi, dumisani lina zinceku ze Nkosi,

²elimi endlini ye Nkosi, emagumeni endlu kaNkulunkulu wethu.

³Dumisani i Nkosi, ngoba i Nkosi ilungile; hlabelelani indumiso ebizweni layo, ngoba kumnandi.

⁴Ngoba i Nkosi izikhethele uJakobe, uIsrayeli abe ngokuligugu kwakhe okukhethekileyo.

⁵Ngoba mina ngiyazi ukuthi i Nkosi yinkulu, ukuthi iNkosi yethu iphezu kwabo bonke onkulunkulu.

⁶Konke i Nkosi ekuthandayo iyakwenza, emazulwini lemhlabeni, ezinlwandle lenzikini zonke.

⁷Yenza izinkungu zenyuke emikhawulweni yomhlaba, yenzela izulu imibane, ikhupha umoya eziphaleni zayo.

⁸Eyatshaya izibulo leGibhithe, kusukela emuntwini kuze kube senyamazaneni.

⁹Yathumela izibonakaliso lezimangaliso phakathi kwakho, Gibhithe, phezu kukaFaro laphezu kwenceku zakhe zonke.

¹⁰Eyatshaya izizwe ezinengi, yabulala amakhosi alamandla,

¹¹uSihoni inkosi yamaAmori, loOgi inkosi yeBashani, layo yonke imibuso yeKhanani,

¹²yanikela ilizwe labo laba yilifa, ilifa likaIsrayeli, isizwe sayo.

¹³Nkosi, ibizo lakho limi kuze kube phakade, ukukhunjulwa kwakho, Nkosi, kusizukulwana ngesizukulwana.

¹⁴Ngoba i Nkosi izakwehlulela abantu bayo, izazisola mayelana lezinceku zayo.

¹⁵Izithombe zezizwe ziyisiliva legolide, umsebenzi wezandla zomuntu.

¹⁶Zilemilomo, kodwa kazikhulumi; zilamehlo, kodwa kaziboni;

¹⁷zilendlebe, kodwa kazizwa; lomoya kawukho emlonyeni wazo.

¹⁸Abazenzayo bafanana lazo, lawo wonke othembela kuzo.

¹⁹Wena ndlu kaIsrayeli, busisani i Nkosi; wena ndlu kaAroni, busisani i Nkosi;

²⁰wena ndlu kaLevi, busisani i Nkosi. Lina eliyesabayo i Nkosi, busisani i Nkosi.

²¹Kayibusiswe i Nkosi iseZiyoni, ehlala eJerusalema. Dumisani i Nkosi !