Read Ndebele-IBhayibhili Elingcwele 2006 Amarhubo 139 Bible Online

Amarhubo 139 - Ndebele-IBhayibhili Elingcwele 2006 bible

Amarhubo 139

¹Nkosi, ungihlolile, uya ng azi.

²Wena uyakwazi ukuhlala kwami lokusukuma kwami; uyaqedisisa imicabango yami ukhatshana.

³Uyahanqa ukuhamba kwami lokulala kwami, uzejwayele indlela zami zonke.

⁴Ngoba kalikho ilizwi elimini lwami, khangela Nkosi, usulazi lonke.

⁵Ungizingelezile emuva langaphambili, ubeke isandla sakho phezu kwami.

⁶Ulwazi lumangalisa kakhulu kimi; luphakeme, kangilakho ukufinyelela kulo.

⁷Ngizakuya ngaphi ngisuke kuMoya wakho? Kumbe ngizabalekela ngaphi ngisuke ebusweni bakho?

⁸Uba ngisenyukela emazulwini, lapho ukhona; uba ngisendlala icansi lami esihogweni, khangela, ukhona.

⁹Uba ngithatha amaphiko okusa, ngihlale emikhawulweni yolwandle,

¹⁰lalapho isandla sakho sizangikhokhela, lesokunene sakho singibambe.

¹¹Uba ngisithi: Isibili umnyama uzangifihla, ng’khona ubusuku buzakuba yikukhanya kimi inhlangothi zonke.

¹²Ngitsho umnyama kawufihli kuwe, kodwa ubusuku bukhanya njengemini; njengomnyama kunjalo ukukhanya kuwe.

¹³Ngoba wena ungumnini wezinso zami, wangigubuzela esiswini sikamama.

¹⁴Ngizakudumisa, ngenxa yokuthi ngenziwe ngokwesabekayo, ngokumangalisayo. Imisebenzi yakho iyamangalisa; lomphefumulo wami uyakwazi kuhle kakhulu.

¹⁵Amathambo ami ayengafihlekanga kuwe, lapho ngangisenziwa ekusithekeni, ngenziwa ngobuciko ezindaweni ezizikileyo zomhlaba.

¹⁶Amehlo akho abona ibumba lami; legwalweni lwakho konke lokhu kwabhalwa, izinsuku o kwabunjwa ngazo, kunga ka bikho lakunye kwakho.

¹⁷Iligugu kangakanani-ke kimi imicabango yakho, O Nkulunkulu; bukhulu kangakanani ubunengi bayo!

¹⁸Uba ngingayibala, minengi kuletshebetshebe. Lapho ngivuka, ngilokhu ngilawe.

¹⁹Isibili uzambulala omubi, Nkulunkulu! Ngakho lina bantu abomele igazi sukani kimi;

²⁰abakhuluma ngenkohliso ngawe, izitha zakho, ziphatha ngeze ibizo lakho.

²¹Kangibazondi yini, Nkosi, abakuzondayo, nginengwe ngabakuvukelayo?

²²Ngiyabazonda ngenzondo epheleleyo; sebeyizitha kimi.

²³Ngihlola, Nkulunkulu, uyazi inhliziyo yami; ngilinga, uyazi imicabango yami,

²⁴ubone ukuthi ikhona indlela embi kimi yini, ungikhokhele endleleni ephakade.