Read Ndebele-IBhayibhili Elingcwele 2006 Amarhubo 140 Bible Online

Amarhubo 140 - Ndebele-IBhayibhili Elingcwele 2006 bible

Amarhubo 140

¹Ngikhulula, Nkosi, emuntwini omubi, ungilondoloze emuntwini olesihluku,

²abaceba izinto ezimbi enhliziyweni, usuku lonke babuthanela izimpi.

³Balola ulimi lwabo njengenyoka, ubuhlungu bebululu bungaphansi kwendebe zabo. Selah.

⁴Ngilondoloze, Nkosi, ezandleni zomubi, ungivikele emuntwini olesihluku; abaceba ukuwisa inyawo zami.

⁵Abazigqajayo bangifihlele umjibila, lezintambo, bendlala imbule eceleni kwendlela; bangibekela izithiyo. Selah.

⁶Ngithe e Nkosi ni: Wena unguNkulunkulu wami. Beka indlebe elizwini lokuncenga kwami, Nkosi.

⁷Jehova, Nkosi, mandla osindiso lwami, wembese ikhanda lami esukwini lwezikhali.

⁸Ungavumeli, Nkosi, izifiso zomubi, ungaphumelelisi icebo lakhe elibi, hlezi baziphakamise. Selah.

⁹Nge khanda labangihanqileyo, ububi bendebe zabo kabubembese.

¹⁰Kakuthi amalahle atshisayo akhithikele phezu kwabo, ubawisela emlilweni, emigodini etshonayo, ukuze bangavuki.

¹¹Umuntu wolimi kangamiswa elizweni; umuntu olesihluku, ububi buzamzingela kube yikuwiswa kwakhe.

¹²Ngiyazi ukuthi i Nkosi izasebenza udaba lohluphekayo, ilungelo labayanga.

¹³Isibili abalungileyo bazalidumisa ibizo lakho; abaqotho bazahlala ebusweni bakho.