Read Ndebele-IBhayibhili Elingcwele 2006 Amarhubo 145 Bible Online

Amarhubo 145 - Ndebele-IBhayibhili Elingcwele 2006 bible

Amarhubo 145

¹Ngizakuphakamisa, Nkulunkulu wami, Nkosi, ngibusise ibizo lakho kuze kube nini lanini.

²Ngensuku zonke ngizakubusisa, ngidumise ibizo lakho kuze kube nini lanini.

³Yinkulu i Nkosi, ifanele ukudunyiswa kakhulu, lobukhulu bayo kabuhloleki.

⁴Isizukulwana ngesizukulwana sizababaza imisebenzi yakho, sitshumayele izenzo zakho ezilamandla.

⁵Ngizakhuluma ngodumo lwakho olukhazimulayo lobukhosi bakho, langendaba zezimangaliso zakho.

⁶Njalo bazakhuluma ngamandla ezenzo zakho ezesabekayo, lobukhulu bakho ngibulandise.

⁷Bazathulula ngamazwi isikhumbuzo sokulunga kwakho okukhulu, bahlabele ngentokozo ngokulunga kwakho.

⁸Ilomusa lesihawu i Nkosi, iyaphuza ukuthukuthela, inkulu ngothando.

⁹I Nkosi ilungile kubo bonke, lezihawu zayo ziphezu kwayo yonke imisebenzi yayo.

¹⁰Imisebenzi yakho yonke izakudumisa, Nkosi, labangcwele bakho bazakubusisa.

¹¹Bazakhuluma ngenkazimulo yombuso wakho, balandise ngamandla akho.

¹²Ukuze bazise abantwana babantu izenzo zayo ezilamandla, lenkazimulo yobukhosi bombuso wayo.

¹³Umbuso wakho ungumbuso wamaphakade wonke, lokubusa kwakho kumi kuso sonke isizukulwana ngesizukulwana.

¹⁴I Nkosi isekela bonke abawayo, iphakamise bonke abakhothemeyo.

¹⁵Amehlo abo bonke alindele kuwe, wena-ke uyabanika ukudla kwabo ngesikhathi sakho.

¹⁶Uyavula isandla sakho, usuthise isifiso sakho konke okuphilayo.

¹⁷I Nkosi ilungile endleleni zayo zonke, njalo ilomusa emisebenzini yayo yonke.

¹⁸I Nkosi iseduze labo bonke abayibizayo, labo bonke abayibiza ngeqiniso.

¹⁹Yenza isifiso sabayesabayo, iyezwa ukukhala kwabo, ibasindise.

²⁰I Nkosi iyabalondoloza bonke abayithandayo; kodwa bonke ababi izababhubhisa.

²¹Umlomo wami uzakhuluma indumiso ye Nkosi, layo yonke inyama ibusise ibizo layo elingcwele kuze kube nini lanini.