Read Ndebele-IBhayibhili Elingcwele 2006 Amarhubo 146 Bible Online

Amarhubo 146 - Ndebele-IBhayibhili Elingcwele 2006 bible

Amarhubo 146

¹Dumisani i Nkosi ! Dumisa i Nkosi, mphefumulo wami.

²Ngizayidumisa i Nkosi ngisaphila; ngizahlabelela indumiso kuNkulunkulu wami ngisesekhona.

³Lingabeki ithemba lenu eziphathamandleni, endodaneni yomuntu okungekho kuyo usindiso.

⁴Umoya wakhe uyaphuma, uyabuyela emhlabathini wakhe; ngalolosuku amacebo akhe ayaphela.

⁵Ubusisiwe yena oloNkulunkulu kaJakobe ukuthi abe lusizo lwakhe, othemba lakhe lise Nkosi ni uNkulunkulu wakhe,

⁶owenza amazulu, lomhlaba, ulwandle, lakho konke okukukho, ogcina iqiniso kuze kube nininini,

⁷owenzela abacindezelweyo isahlulelo, obaphayo ukudla abalambileyo. I Nkosi iyakhulula izibotshwa,

⁸I Nkosi iyavula amehlo eziphofu; i Nkosi iyabalulamisa abakhothemeyo; i Nkosi iyabathanda abalungileyo.

⁹I Nkosi ilondoloza abemzini, isekele intandane lomfelokazi; kodwa indlela yababi iyayigenqula.

¹⁰I Nkosi izabusa kuze kube nininini, uNkulunkulu wakho, Ziyoni, kuze kube sesizukulwaneni ngesizukulwana. Dumisani i Nkosi !