Read Ndebele-IBhayibhili Elingcwele 2006 Amarhubo 148 Bible Online

Amarhubo 148 - Ndebele-IBhayibhili Elingcwele 2006 bible

Amarhubo 148

¹Dumisani i Nkosi ! Dumisani i Nkosi lisemazulwini, idumiseni endaweni eziphezulu.

²Idumiseni lonke zingilosi zayo. Idumiseni lonke mabandla ayo.

³Idumiseni langa lenyanga. Idumiseni lonke zinkanyezi ezikhanyayo.

⁴Idumiseni mazulu amazulu, lani manzi aphezu kwamazulu.

⁵Kakudumise ibizo le Nkosi; ngoba yona yalaya, kwasekudalwa.

⁶Yakumisa kuze kube nini lanini; yakhupha isimiso esingayikwedlula.

⁷Dumisani i Nkosi lisemhlabeni, migobho yolwandle, lani zinziki zonke,

⁸mlilo lesiqhotho, liqhwa elikhithikayo lenkungu, siphepho esenza ilizwi layo;

⁹zintaba lamaqaqa wonke, zihlahla zezithelo lemisedari yonke,

¹⁰zinyamazana zeganga lezifuyo zonke, zinto ezihuquzelayo lenyoni eziphaphayo.

¹¹Makhosi omhlaba, lani zizwe zonke, ziphathamandla, lani babusi bomhlaba,

¹²majaha, lani-ke zintombi, maxhegu labatsha.

¹³Kabadumise ibizo le Nkosi, ngoba ibizo layo lodwa liphakeme; ubukhosi bayo bu phezu komhlaba lamazulu.

¹⁴Njalo iphakamisile uphondo lwabantu bayo, indumiso yabo bonke abangcwele bayo, eyabantwana bakoIsrayeli, abantu abaseduze layo. Dumisani i Nkosi !