Read Ndebele-IBhayibhili Elingcwele 2006 Amarhubo 22 Bible Online

Amarhubo 22 - Ndebele-IBhayibhili Elingcwele 2006 bible

Amarhubo 22

¹Nkulunkulu wami, Nkulunkulu wami, ungitshiyeleni? Ukhatshana lokungisiza, l amazwi okubhonga kwami?

²Nkulunkulu wami, ngiyakhala emini, kodwa kawungiphenduli, lebusuku, kodwa kangilakho ukuthula.

³Kodwa wena ungcwele, ohlezi e zibongw eni zikaIsrayeli.

⁴Obaba bethu bathemba kuwe, bathemba, wasubakhulula.

⁵Bakhala kuwe, bakhululwa; bathembela kuwe, kabayangekanga.

⁶Kodwa ngiyimpethu, kangisuye muntu, ihlazo labantu, ngeyiswa ngabantu.

⁷Bonke abangibonayo bayangihleka usulu, bakhamisa indebe, banikine ikhanda,

⁸besithi: Wathembela e Nkosi ni; kayimkhulule, imophule, ngoba yathokoza kuye.

⁹Kodwa nguwe owangikhupha esiswini, wangenza ngathemba ngis emabeleni kamama.

¹⁰Ngalahlelwa phezu kwakho kusukela esizalweni; kusukela esiswini sikamama unguNkulunkulu wami.

¹¹Ungabi khatshana lami, ngoba uhlupho luseduze, ngoba kakho osizayo.

¹²Amajongosi amanengi angihanqile, alamandla eBashani angizingelezele.

¹³Zangikhamisela umlomo wazo, isilwane esiphangayo lesibhongayo.

¹⁴Ngithululiwe njengamanzi, lamathambo ami wonke ehlukene; inhliziyo yami injengengcino, incibilikile phakathi kwemibilini yami.

¹⁵Amandla ami omile njengodengezi, lolimi lwami lunamathele emihlathini yami; ungibeke ethulini lokufa.

¹⁶Ngoba izinja zingigombolozele; inhlangano yababi ingihanqile; izandla zami lenyawo zami bazibhobozile.

¹⁷Ngingabala wonke amathambo ami; bona bayakhangela bayangijolozela.

¹⁸Babelana izigqoko zami, benza inkatho yokuphosa ngezembatho zami.

¹⁹Kodwa, wena Nkosi, ungabi khatshana; mandla ami, phangisa ukungisiza.

²⁰Khulula umphefumulo wami kuyo inkemba, wona wodwa owami emandleni enja.

²¹Ngisindisa emlonyeni wesilwane; ngoba empondweni zezinyathi ungiphendule.

²²Ngizalandisa ibizo lakho kubafowethu, phakathi kwebandla ngizakudumisa.

²³Lina elesaba i Nkosi, idumiseni; lonke nzalo kaJakobe, ihlonipheni; liyesabe, lonke nzalo kaIsrayeli.

²⁴Ngoba kayidelelanga kayinengwanga yinhlupheko yohluphekayo; njalo kayimfihlelanga ubuso bayo; kodwa lapho ekhala kuyo, yezwa.

²⁵Indumiso yami izakuba ngawe ebandleni elikhulu; ngizakhokha izifungo zami phambi kwabayesabayo.

²⁶Abamnene bazakudla basuthe; bazayidumisa i Nkosi labo abayidingayo. Inhliziyo yenu izaphila kuze kube phakade.

²⁷Imikhawulo yonke yomhlaba izakhumbula, iphendukele e Nkosi ni; lezizukulwana zonke zezizwe zizakhonza phambi kwakho.

²⁸Ngoba umbuso ungowe Nkosi, njalo iyabusa phakathi kwezizwe.

²⁹Bonke abakhulupheleyo bomhlaba bazakudla bakhonze; bonke abehlela othulini bazakhothama phambi kwayo, longagcini umphefumulo wakhe uphila.

³⁰Inzalo izayikhonza; izabalelwa eNkosini kuso isizukulwana.

³¹Bazakuza bamemezele ukulunga kwayo ebantwini abazazalwa, ukuthi i kw enzile.