Read Ndebele-IBhayibhili Elingcwele 2006 Amarhubo 25 Bible Online

Amarhubo 25 - Ndebele-IBhayibhili Elingcwele 2006 bible

Amarhubo 25

¹Kuwe, Nkosi, ngiphakamisela umphefumulo wami.

²Nkulunkulu wami, ngithembela kuwe; kangingayangeki; izitha zami kazingathokozi phezu kwami.

³Yebo, kungayangeki loyedwa kulabo abakulindelayo; kabayangeke labo abaphambukayo kungelasizatho.

⁴Ngazisa izindlela zakho, Nkosi, ungifundise imikhondo yakho.

⁵Ngikhokhelela eqinisweni lakho, ungifundise, ngoba unguNkulunkulu wosindiso lwami; ngilindele wena usuku lonke.

⁶Khumbula izihawu zakho, Nkosi, lobubele bakho, ngoba kwaku khona kusukela phakade.

⁷Ungazikhumbuli izono zobutsha bami leziphambeko zami; ngokomusa wakho wena ungikhumbule, ngenxa yokulunga kwakho, Nkosi.

⁸I Nkosi ilungile iqondile; ngakho-ke izazifundisa izoni ngendlela.

⁹Izabakhokhela abathobekileyo ekwahlulelweni, ibafundise abathobekileyo indlela yayo.

¹⁰Zonke indlela ze Nkosi zingumusa leqiniso kulabo abalondoloza isivumelwano sayo lezifakazelo zayo.

¹¹Ngenxa yebizo lakho, Nkosi, thethelela isiphambeko sami, ngoba sikhulu.

¹²Nguwuphi umuntu owesaba i Nkosi? Izamfundisa ngendlela eza yi khetha.

¹³Umphefumulo wakhe uzahlala ebuhleni, lenzalo yakhe izalidla ilifa lelizwe.

¹⁴Imfihlo ye Nkosi ingeyabayesabayo, izabazisa isivumelwano sayo.

¹⁵Amehlo ami ahlala ese Nkosi ni, ngoba yiyo ezakhupha inyawo zami embuleni.

¹⁶Phendukela kimi, ube lomusa kimi, ngoba ngilesizungu, ngihluphekile.

¹⁷Inkathazo zenhliziyo yami zibe banzi, ungikhuphe ezinhluphekweni zami.

¹⁸Khangela inhlupheko yami losizi lwami, uthethelele zonke izono zami.

¹⁹Khangela izitha zami ngoba zinengi, ziyangizonda ngenzondo elesihluku.

²⁰Londoloza umphefumulo wami, ungikhulule; kangingayangeki, ngoba ngiphephela kuwe.

²¹Ubuqotho lokuqonda kakungilondoloze, ngoba ngilindele wena.

²²Nkulunkulu, hlenga uIsrayeli kuzo zonke inkathazo zakhe.