Read Ndebele-IBhayibhili Elingcwele 2006 Amarhubo 26 Bible Online

Amarhubo 26 - Ndebele-IBhayibhili Elingcwele 2006 bible

Amarhubo 26

¹Ngahlulela, Nkosi, ngoba mina ngihambe ngobuqotho bami, njalo ngithembele e Nkosi ni, angiyikutshelela.

²Ngihlola, Nkosi, ungilinge, uhlole izinso zami lenhliziyo yami.

³Ngoba ububele bakho buphambi kwamehlo ami, njalo ngihambe eqinisweni lakho.

⁴Kangihlalanga labantu benkohliso, kangihambelani labazenzisayo.

⁵Ngiyizondile inhlangano yabenzi bobubi, kangihlali lababi.

⁶Ngizageza izandla zami ngokungelacala, ngizingelezele ilathi lakho, Nkosi.

⁷Ukuze ngizwakalise ngelizwi lokubonga, lokuze ngilandise zonke izenzo zakho ezimangalisayo.

⁸Nkosi, ngiyayithanda inhlalo yendlu yakho, lendawo yokuhlala yenkazimulo yakho.

⁹Ungabuthi umphefumulo wami kanye lezoni, kumbe impilo yami kanye labantu abomele igazi.

¹⁰Ozandla zabo zilobubi, lesandla sabo sokunene sigcwele izivalamlomo.

¹¹Kodwa mina ngizahamba ngobuqotho bami; ngihlenga, ube lomusa kimi.

¹²Unyawo lwami lumi endaweni elingeneyo; ngizayibusisa i Nkosi emabandleni.