Read Ndebele-IBhayibhili Elingcwele 2006 Amarhubo 32 Bible Online

Amarhubo 32 - Ndebele-IBhayibhili Elingcwele 2006 bible

Amarhubo 32

¹Ubusisiwe lowo osiphambeko sakhe sithethelelwe, osono sakhe sisitshekelwe.

²Ubusisiwe umuntu i Nkosi engambaleli ububi, lokungekho inkohliso emoyeni wakhe.

³Lapho ngathula, amathambo ami aguga ngenxa yokubhonga kwami usuku lonke.

⁴Ngoba emini lebusuku isandla sakho sasinzima phezu kwami; ubumanzi bami baguqulelwa ekomeni kwehlobo. Selah.

⁵Ngakwazisa isono sami, kangifihlanga isiphambeko sami, ngathi: Ngizavuma iziphambeko zami e Nkosi ni. Wena wasuthethelela icala lesono sami. Selah.

⁶Ngenxa yalokhu ngulowo lalowo owesaba uNkulunkulu uzakhuleka kuwe ngesikhathi sokuthola. Isibili, esikhukhuleni samanzi amakhulu kawayikufinyelela kuye.

⁷Wena uyindawo yami yokucatsha, uyangilondoloza ekuhluphekeni, ungiphahle ngamahubo okukhululwa. Selah.

⁸Ngizakulaya ngikufundise endleleni ozahamba ngayo, ngizakweluleka, ilihlo lami libe phezu kwakho.

⁹Ungabi njengebhiza, njengembongolo engelakuqedisisa, omlomo wayo onqandwa ngomkhala langetomu, hlezi kusondele kuwe.

¹⁰Zinengi izinhlupheko zomubi, kodwa othembela e Nkosi ni, umusa uzamphahla.

¹¹Jabulani e Nkosi ni, lithabe, balungileyo; memezani ngokuthaba, lonke baqotho enhliziyweni.