Read Ndebele-IBhayibhili Elingcwele 2006 Amarhubo 34 Bible Online

Amarhubo 34 - Ndebele-IBhayibhili Elingcwele 2006 bible

Amarhubo 34

¹Ngizayibusisa i Nkosi ngesikhathi sonke; ukudunyiswa kwayo kuzahlala kusemlonyeni wami.

²Umphefumulo wami uzazincoma e Nkosi ni; abathobekileyo bazakuzwa bathokoze.

³Ikhuliseni i Nkosi kanye lami, asiliphakamise ibizo layo kanyekanye.

⁴Ngayidinga i Nkosi, yangiphendula, yasingikhulula kukho konke ukwesaba kwami.

⁵Bakhangela kuyo, bakhazimula, lobuso babo kabubanga lenhloni.

⁶Lo umyanga wakhala, le Nkosi yezwa, yasimsindisa kuzo zonke inkathazo zakhe.

⁷Ingilosi ye Nkosi imisa inkamba izingelezele labo abayesabayo, ibakhulule.

⁸Nambithanini libone ukuthi i Nkosi ilungile. Ubusisiwe lowomuntu othembela kuyo.

⁹Yesabeni i Nkosi, bangcwele bayo, ngoba kakulakuswela kwabayesabayo.

¹⁰Amabhongo ezilwane ayaswela alambe, kodwa labo abayidingayo i Nkosi kabasweli lutho oluhle.

¹¹Wozani, bantwana, lingilalele, ngizalifundisa ukwesaba i Nkosi.

¹²Ngubani umuntu ofisa impilo, othanda izinsuku ukuthi abone okuhle?

¹³Londa ulimi lwakho kokubi, lendebe zakho ekukhulumeni inkohliso.

¹⁴Suka kokubi, wenze okuhle, dinga ukuthula, kunxwanele.

¹⁵Amehlo e Nkosi akwabalungileyo, lezindlebe zayo kukukhala kwabo.

¹⁶Ubuso be Nkosi bumelene labenza okubi, ukuquma ukukhunjulwa kwabo kusuke emhlabeni.

¹⁷Bakhala, i Nkosi yezwa; iyabakhulula kuzo zonke izinhlupheko zabo.

¹⁸I Nkosi iseduze labo abalenhliziyo ezephukileyo, iyabasindisa abalomoya odabukileyo.

¹⁹Zinengi inhlupheko zolungileyo, kodwa i Nkosi iyamkhulula kuzo zonke.

²⁰Iyawagcina wonke amathambo akhe, kakwaphulwa lelilodwa kuwo.

²¹Okubi kuzambulala okhohlakeleyo; labazonda olungileyo bazalahlwa.

²²I Nkosi iyahlenga umphefumulo wenceku zayo; njalo bonke abathemba kuyo kabayikulahlwa.