Read Ndebele-IBhayibhili Elingcwele 2006 Amarhubo 35 Bible Online

Amarhubo 35 - Ndebele-IBhayibhili Elingcwele 2006 bible

Amarhubo 35

¹Phikisana, Nkosi, labaphikisana lami, ulwe labalwa lami.

²Xhakalaza ihawu lesihlangu esikhulu, usukumele usizo lwami.

³Hwatsha lomkhonto, uvimbe indlela umelane labangizingelayo; tshono emphefumulweni wami ukuthi: Ngilusindiso lwakho.

⁴Kabayangeke babe lehlazo labo abadinga umphefumulo wami. Kabahlehliselwe emuva babe lenhloni labo abaceba ububi ngami.

⁵Kababe njengamakhoba phambi komoya, lengilosi ye Nkosi kayi ba dudule.

⁶Indlela yabo kayibe mnyama itshelele, lengilosi ye Nkosi ibaxotshe.

⁷Ngoba kungelasizatho bangifihlele umgodi wembule labo, kungelasizatho bawugebhele umphefumulo wami.

⁸Ukubhujiswa kakumjume, lembule lakhe alifihlileyo kalimbambe yena, awele kulo, ekubhujisweni.

⁹Kodwa umphefumulo wami uzathokoza e Nkosi ni, ujabule esindisweni lwayo.

¹⁰Wonke amathambo ami azakuthi: Nkosi, ngubani onjengawe, okhulula umyanga kulowo olamandla kulaye, yebo, umyanga loswelayo komphangayo?

¹¹Abafakazi bamanga bayasukuma, bangibuza engingakwaziyo.

¹²Bangibuyisela okubi endaweni yokuhle; ukulahlekelwa komphefumulo wami.

¹³Kanti mina, ekuguleni kwabo isembatho sami sasililembu lesaka, ngathobisa umphefumulo wami ngokuzila ukudla, lomkhuleko wami wabuyela esifubeni sami.

¹⁴Ngahamba ngokungathi ungumngane ngokungathi ungumfowethu; ngikhotheme kwezimnyama njengolilela unina.

¹⁵Kodwa ekukhubekeni kwami bathokoza babuthana ndawonye, babuthana ndawonye bemelene lami abatshayi, njalo nganginga kw azi; badabula kabemanga.

¹⁶Kanye lababi abaklolodayo edilini, bangigedlela amazinyo abo.

¹⁷Nkosi, uzabukela kuze kube nini? Buyisa umphefumulo wami ekubhubhiseni kwabo, wona wodwa owami emabhongweni ezilwane.

¹⁸Ngizakubonga ebandleni elikhulu, ngikudumise phakathi kwabantu abanengi.

¹⁹Bangajabuli ngami abayizitha zami ngamanga, kaba nga ngificel i ilihlo labo abangizonda ngeze.

²⁰Ngoba kabakhulumi ukuthula, kodwa baceba amazwi enkohliso bemelene labachumileyo emhlabeni.

²¹Kanti bangikhamisela kakhulu umlomo wabo bathi: Hiya belo, hiya belo, ilihlo lethu likubonile!

²²Nkosi, usu ku bonile; ungathuli. Nkosi, ungabi khatshana lami.

²³Zivuse, uvukele ilungelo lami, udaba lwami, Nkulunkulu wami leNkosi yami.

²⁴Ngahlulela, Nkosi Nkulunkulu wami, ngokulunga kwakho; kabangathokozi ngami.

²⁵Kabangatsho enhliziyweni yabo ukuthi: Hiya, yisifiso sethu! Bangatsho ukuthi: Simginyile.

²⁶Kabayangeke babe lenhloni ndawonye abajabula ngosizi lwami; bembathiswe ngenhloni lehlazo labo abazikhukhumeza ngami.

²⁷Kabamemeze ngenjabulo bathabe abaloyisa ukulunga kwami, yebo kabatsho njalonjalo ukuthi: Kayikhuliswe i Nkosi ethokoza ngokuhlala kuhle kwenceku yayo.

²⁸Lolimi lwami luzakhuluma ukulunga kwakho, usuku lonke indumiso yakho.