Read Ndebele-IBhayibhili Elingcwele 2006 Amarhubo 37 Bible Online

Amarhubo 37 - Ndebele-IBhayibhili Elingcwele 2006 bible

Amarhubo 37

¹Ungazikhathazi ngababi, ungabi lamhawu ngabenzi bobubi.

²Ngoba bazaqunywa masinyane njengotshani, babune njengezimila eziluhlaza.

³Themba e Nkosi ni, wenze okuhle, uhlale elizweni, wondliwe ngothembeko.

⁴Zithokozise e Nkosi ni, njalo izakunika iziloyiso zenhliziyo yakho.

⁵Nikela indlela yakho e Nkosi ni, uthembe kuyo; yona izakwenza.

⁶Izaveza ukulunga kwakho njengokukhanya, lelungelo lakho njengemini enkulu.

⁷Chuma e Nkosi ni, uyilindele; ungazikhathazi ngophumelelayo ngendlela yakhe, ngomuntu owenza amacebo amabi.

⁸Yekela intukuthelo, utshiye ulaka; ungazikhathazi langokwenza okubi.

⁹Ngoba ababi bazaqunywa, kodwa labo abalindele i Nkosi bona bazakudla ilifa lelizwe.

¹⁰Kuseyisikhatshana nje, omubi angabe esaba khona; loba uhlola indawo yakhe uyabe engasekho.

¹¹Kodwa abamnene bazakudla ilifa lelizwe, bazithokozise ngobunengi bokuthula.

¹²Omubi uzakwenzela olungileyo ugobe, amgedlele amazinyo akhe.

¹³INkosi izamhleka, ngoba iyabona ukuthi usuku lwakhe luyeza.

¹⁴Ababi sebehwatshe inkemba, bagobise idandili labo, ukumlahla phansi umyanga loswelayo, ukubulala abaqotho ngendlela.

¹⁵Inkemba yabo izangena kweyabo inhliziyo, kwephulwe amadandili abo.

¹⁶Okuncinyane alakho olungileyo kungcono kulenotho yababi abanengi.

¹⁷Ngoba ingalo zababi zizakwephulwa, kodwa i Nkosi iyabasekela abalungileyo.

¹⁸I Nkosi iyazazi izinsuku zabaqotho, lelifa labo lizakuba sephakadeni.

¹⁹Kabayikuyangeka ngesikhathi esibi, langensuku zendlala bazasutha.

²⁰Kodwa ababi bazabhubha; lezitha ze Nkosi zizanyamalala njengamahwahwa amawundlu, zinyamalale entuthwini.

²¹Omubi uyeboleka, angabuyiseli, kodwa olungileyo ulomusa, uyaphana.

²²Ngoba ababusiswe yiyo bazakudla ilifa lelizwe, kodwa abaqalekiswe yiyo bazaqunywa.

²³Izinyathelo zomuntu ziqondiswa yi Nkosi, iyathokoza endleleni yakhe.

²⁴Loba esiwa, kayikulahlwa phansi, ngoba i Nkosi isekela isandla sakhe.

²⁵Ngangimutsha, sengimdala, kanti kangibonanga olungileyo etshiyiwe, lenzalo yakhe idinga ukudla.

²⁶Usuku lonke ulomusa, uyeboleka, lenzalo yakhe iyisibusiso.

²⁷Suka ebubini, wenze okuhle; uhlale kuze kube nininini.

²⁸Ngoba i Nkosi ithanda isahlulelo, kayiyikubatshiya abangcwele bayo. Bazalondolozwa kuze kube nininini; kodwa inzalo yababi izaqunywa.

²⁹Abalungileyo bazakudla ilifa lelizwe, bahlale kulo kuze kube nininini.

³⁰Umlomo wolungileyo uyatsho inhlakanipho, lolimi lwakhe lukhuluma isahlulelo.

³¹Umlayo kaNkulunkulu wakhe usenhliziyweni yakhe; izinyathelo zakhe kazitsheleli.

³²Omubi uyamqaphela olungileyo, udinga ukumbulala.

³³I Nkosi kayiyikumyekela esandleni sakhe, kayiyikumlahla lapho esahlulelwa.

³⁴Lindela e Nkosi ni, ugcine indlela yayo, izakuphakamisa ukuthi udle ilifa lelizwe; uzabona lapho ababi bequnywa.

³⁵Ngambona omubi olamandla, eziqhelisa njengesihlahla semvelo esiluhlaza.

³⁶Kube kanti wedlula, khangela-ke, wayenga se kho; yebo ngamdinga, kodwa katholakalanga.

³⁷Nanzelela opheleleyo, umbone oqotho, ngoba ukuphela kwa lowo muntu kuyikuthula.

³⁸Kodwa abaphambukayo bazabhujiswa ndawonye; ukuphela kwababi kuzaqunywa.

³⁹Kodwa usindiso lwabalungileyo luvela e Nkosi ni, inqaba yabo esikhathini sokuhlupheka.

⁴⁰Njalo i Nkosi izabasiza ibakhulule; izabakhulula kwababi, ibasindise, ngoba baphephela kuyo.