Read Ndebele-IBhayibhili Elingcwele 2006 Amarhubo 38 Bible Online

Amarhubo 38 - Ndebele-IBhayibhili Elingcwele 2006 bible

Amarhubo 38

¹Nkosi, ungangikhuzi entukuthelweni yakho, ungangijezisi ekuvutheni kolaka lwakho.

²Ngoba imitshoko yakho ihlabe yatshona kimi, lesandla sakho sehle nzima phezu kwami.

³Kakukho ukuphila enyameni yami ngenxa yentukuthelo yakho; kakukho ukuthula emathanjeni ami ngenxa yesono sami.

⁴Ngoba iziphambeko zami zedlule phezu kwekhanda lami, njengomthwalo onzima zinzima kakhulu kimi.

⁵Izilonda zami zilevumba zilobomvu ngenxa yobuthutha bami.

⁶Ngigungubele, ngagotshiselwa phansi kakhulu, usuku lonke ngihamba ngikwezimnyama.

⁷Ngoba ukhalo lwami lugcwele isifo esinengekayo, njalo kakukho ukuphila enyameni yami.

⁸Ngibuthakathaka ngichobozekile kakhulukazi, ngiyabhonga ngenxa yokububula kwenhliziyo yami.

⁹Nkosi, sonke isiloyiso sami siphambi kwakho, lokububula kwami kakufihlakalanga kuwe.

¹⁰Inhliziyo yami iyatshaya, amandla ami angitshiyile; lokukhanya kwamehlo ami lakho kakukho kimi.

¹¹Abangithandayo labangane bami bema ummango lenhlupheko yami, labakwethu bema khatshana lami.

¹²Labo abadinga impilo yami baya ngi thiya, labo abadinga ukoniwa kwami bakhuluma izincithakalo, bezindla inkohliso usuku lonke.

¹³Kodwa mina nginjengesacuthe, kangizwa, lanjengesimungulu, esingavuli umlomo waso.

¹⁴Yebo, nginjengomuntu ongezwayo, okungekho ukuphikisa emlonyeni wakhe.

¹⁵Ngoba kuwe, Nkosi, ngiyathemba; wena uzaphendula, Nkosi Nkulunkulu wami.

¹⁶Ngoba ngathi: Hlezi bathokoze ngami, lapho unyawo lwami lutshelela, bazikhukhumeze bemelene lami.

¹⁷Ngoba se ngiseduze lokuwa, lobuhlungu bami buphambi kwami njalonjalo.

¹⁸Ngoba ngizakwazisa ububi bami, ngizakhathazeka ngesono sami.

¹⁹Kodwa izitha zami ziphilile zilamandla, labangizonda ngeze sebandile.

²⁰Abaphindisela okubi esikhundleni sokuhle bayizitha zami, ngoba nginxwanela okulungileyo.

²¹Ungangitshiyi, Nkosi; Nkulunkulu wami, ungabi khatshana lami.

²²Phangisa ungisize, Nkosi, nsindiso yami.