Read Ndebele-IBhayibhili Elingcwele 2006 Amarhubo 39 Bible Online

Amarhubo 39 - Ndebele-IBhayibhili Elingcwele 2006 bible

Amarhubo 39

¹Ngathi: Ngizaqaphelisa izindlela zami, ukuze ngingoni ngolimi lwami; ngizagcina umlomo wami ngetomu, omubi esesekhona phambi kwami.

²Ngaba yisimungulu ngokuthula; ngathula kokuhle; lokuhlupheka kwami kwavuswa.

³Inhliziyo yami yatshisa phakathi kwami, ngisacabanga umlilo wavutha; ngakhuluma ngolimi lwami,

⁴ngathi: Nkosi, ngazisa isiphetho sami lesilinganiso sensuku zami ukuthi siyini, ukuze ngazi ukuthi ngiyedlula kangakanani.

⁵Khangela, wenze insuku zami zaba yibubanzi besandla, lobudala bami bunjengento engesilutho phambi kwakho; isibili ngulowo lalowomuntu ekumeni kwakhe uyize nje. Selah.

⁶Isibili, umuntu uhambahamba esesithunzini; isibili, bayakhathazeka ngeze; uyabuthelela, kodwa kazi ukuthi ngubani ozakubutha.

⁷Pho-ke, ngilindeleni, Nkosi? Ithemba lami likuwe.

⁸Ngikhulula kuzo zonke iziphambeko zami. Ungangenzi ihlazo lesithutha.

⁹Ngaba yisimungulu, kangivulanga umlomo wami, ngoba wakwenza wena.

¹⁰Susa uswazi lwakho kimi, ngoba ngiyaqedwa yisidutshulo sesandla sakho.

¹¹Lapho ulaya umuntu ngokukhuza ngenxa yesiphambeko, wenza ubuhle bakhe buncibilike njengenundu; isibili ngulowo lalowomuntu uyize. Selah.

¹²Zwana umkhuleko wami, Nkosi, ubeke indlebe ekukhaleni kwami; ungathuleli izinyembezi zami, ngoba ngingowemzini kuwe, ohlala njengowezizwe, njengabo bonke obaba.

¹³Ungangihwaqeli ukuze ngihlumelele, ngingakasuki, ngingabe ngi sa ba khona.