Read Ndebele-IBhayibhili Elingcwele 2006 Amarhubo 45 Bible Online

Amarhubo 45 - Ndebele-IBhayibhili Elingcwele 2006 bible

Amarhubo 45

¹Inhliziyo yami iphuphuma ngendaba enhle; ngikhuluma ngezinto engizenzele inkosi; ulimi lwami lulusiba lombhali ophangisayo.

²Umuhle kulabantwana babantu; umusa uthululwe endebeni zakho; ngenxa yalokho uNkulunkulu ukubusisile kuze kube phakade.

³Bhinca inkemba yakho emlenzeni, qhawe, udumo lwakho lobukhosi bakho.

⁴Lebukhosini bakho gada uphumulele, ngenxa yeqiniso lobumnene bokulunga; lesandla sakho sokunene sikufundise izinto ezesabekayo.

⁵Imitshoko yakho ibukhali enhliziyweni yezitha zenkosi; izizwe zizakuwa ngaphansi kwakho.

⁶Isihlalo sakho sobukhosi, Nkulunkulu, ngesaphakade laphakade; intonga yakho yobukhosi iyintonga yobuqotho.

⁷Uthanda ukulunga, njalo uzonda ububi; ngenxa yalokho uNkulunkulu, uNkulunkulu wakho, ukugcobile ngamafutha entokozo ngaphezu kwabanakwenu.

⁸Izembatho zakho zonke ziqholiwe ngemure* lenhlaba l ekhasiya*; ezigodlweni zempondo zendlovu lapho ezikwenze wathokoza.

⁹Amadodakazi amakhosi aphakathi kwabesifazana bakho abadumileyo; indlovukazi imi esandleni sokunene sakho yembethe igolide leOfiri.

¹⁰Zwana, ndodakazi, unakane, ubeke indlebe yakho; ukhohlwe abantu bakini lendlu kayihlo;

¹¹khona inkosi izalangatha ubuhle bakho; ngoba iyinkosi yakho, njalo khothama kuyo.

¹²Lendodakazi yeTire ilesipho, labanothileyo ebantwini, bazancenga ubuso bakho.

¹³Indodakazi yenkosi iyakhazimula yonke ngaphakathi, isembatho sayo singesegolide elelukiweyo.

¹⁴Izalethwa enkosini yembethe isembatho esifekethisiweyo; izintombi eziyilandelayo, abangane bayo, zizalethwa kuwe.

¹⁵Zizalethwa ngokuthaba lenjabulo, zizangena esigodlweni senkosi.

¹⁶Esikhundleni saboyihlo kuzakuba ngamadodana akho, uzawabeka abe yiziphathamandla emhlabeni wonke.

¹⁷Ibizo lakho ngizalenza likhunjulwe ezizukulwaneni zonke; ngenxa yalokho izizwe zizakudumisa kuze kube nini lanini.