Read Ndebele-IBhayibhili Elingcwele 2006 Amarhubo 46 Bible Online

Amarhubo 46 - Ndebele-IBhayibhili Elingcwele 2006 bible

Amarhubo 46

¹UNkulunkulu uyisiphephelo sethu lamandla ethu, uyatholwa elusizo kakhulu ekuhluphekeni.

²Ngenxa yalokhu kasiyikwesaba ekuguqukeni komhlaba, lanxa izintaba zithwalelwa phakathi kwenlwandle,

³amanzi alo ehlokoma, ekhaphazela, izintaba zizamazama ngokukhukhumala kwalo. Selah.

⁴Kulo mfula, izifula zawo zithokozisa umuzi kaNkulunkulu, indawo engcwele yamathabhanekele oPhezukonke.

⁵UNkulunkulu uphakathi kwawo, kawuyikunyikinywa; uNkulunkulu uzawusiza ngovivi lokusa.

⁶Izizwe ziyaxokozela, imibuso izamazame; wakhupha ilizwi lakhe, umhlaba wancibilika.

⁷I Nkosi yamabandla ilathi, uNkulunkulu kaJakobe uyinqaba yethu. Selah.

⁸Wozani libone imisebenzi ye Nkosi, incithakalo eyenzileyo emhlabeni.

⁹Yenza izimpi ziphele kuze kube semkhawulweni womhlaba; yephula idandili, iqumaqume umkhonto, itshise izinqola emlilweni.

¹⁰Thulani, lazi ukuthi mina nginguNkulunkulu, ngizaphakanyiswa phakathi kwezizwe, ngiphakanyiswe emhlabeni.

¹¹I Nkosi yamabandla ilathi, uNkulunkulu kaJakobe uyinqaba yethu. Selah.