Read Ndebele-IBhayibhili Elingcwele 2006 Amarhubo 49 Bible Online

Amarhubo 49 - Ndebele-IBhayibhili Elingcwele 2006 bible

Amarhubo 49

¹Zwanini lokhu lonke bantu. Bekani indlebe lonke bakhileyo bomhlaba,

²bonke abantukazana labaphakemeyo, abanothileyo labayanga, ndawonye.

³Umlomo wami uzakhuluma izinhlakanipho, lokuzindla kwenhliziyo yami kuzakuba yikuqedisisa.

⁴Ngizabeka indlebe yami kuso isaga, ngizavula ilibho lami ngechacho.

⁵Ngizakwesabelani ensukwini zobubi? Ububi obusezithendeni zami buzangihanqa.

⁶Abathemba ingcebo yabo, abazincoma ngobunengi benotho yabo,

⁷umuntu kasoze ahlenge lokuhlenga umfowabo, kasoze amnike uNkulunkulu inhlawulo yakhe,

⁸(ngoba uhlengo lomphefumulo wabo luligugu, futhi luyaphela laphakade)

⁹ukuze ahlale ephila phakade, angaboni ukubola.

¹⁰Ngoba ubona ukuthi abahlakaniphileyo bayafa, lokuthi isithutha kanye lesiphukuphuku bayabhubha, batshiyele inotho yabo abanye.

¹¹Ingaphakathi yabo iyikuthi izindlu zabo zizakuba ngezaphakade, izindawo zabo zokuhlala zibe ngezezizukulwana, babize amazwe ngamabizo abo.

¹²Kodwa umuntu elodumo kayikuma, uyafanana lenyamazana e zibhubhayo.

¹³Le indlela yabo iyibuthutha babo; kube kanti ababalandelayo bathokoza ngomlomo wabo. Selah.

¹⁴Njengezimvu bamiselwe ingcwaba, ukufa kuzabadla; labaqotho bazababusa ekuseni, isimo sabo ngesokuqedwa engcwabeni endaweni yabo yokuhlala.

¹⁵Kodwa uNkulunkulu uzahlenga umphefumulo wami emandleni engcwaba, ngoba uzangemukela. Selah.

¹⁶Ungesabi nxa umuntu enotha, nxa udumo lwendlu yakhe lusanda;

¹⁷ngoba ekufeni kwakhe kayikuthatha lutho, udumo lwakhe kaluyikwehla lumlandele.

¹⁸Lanxa empilweni yakhe wabusisa umphefumulo wakhe, njalo bakudumisa nxa uzenzela okuhle,

¹⁹uzakuya esizukulwaneni saboyise, kabayikubona ukukhanya kuze kube phakade.

²⁰Umuntu o lodumo, engaqedisisi, unjengezinyamazana e zibhubhayo.