Read Ndebele-IBhayibhili Elingcwele 2006 Amarhubo 5 Bible Online

Amarhubo 5 - Ndebele-IBhayibhili Elingcwele 2006 bible

Amarhubo 5

¹Beka indlebe emazwini ami, Nkosi; unanzelele ukububula kwami.

²Lalela ilizwi lokukhala kwami, Nkosi yami loNkulunkulu wami; ngoba ngikhuleka kuwe.

³Nkosi, ekuseni uzalizwa ilizwi lami; ekuseni ngiza zi hlelela wena, ngilinde.

⁴Ngoba kawusuye uNkulunkulu othokoza ebubini; omubi kayikuhlala lawe.

⁵Iziwula kaziyikuma phambi kwamehlo akho; uzonda bonke abenzi bobubi.

⁶Uzababhubhisa abaqamba amanga. I Nkosi iyamenyanya umuntu wegazi lenkohliso.

⁷Kodwa mina, ngizangena endlini yakho ngobukhulu besihawu sakho, ngikhothame ngikhangele ethempelini lakho elingcwele, ngokukwesaba.

⁸Nkosi, ngikhokhelele ekulungeni kwakho ngenxa yezitha zami, wenze indlela yakho iqonde phambi kwami.

⁹Ngoba kalikho iqiniso emlonyeni wazo, ingaphakathi yazo izinkohlakalo; umphimbo wazo ulingcwaba elivulekileyo, zibamba amehlo ngolimi lwazo.

¹⁰Tshono uthi zilecala, Nkulunkulu, kaziwe ngamacebo azo; uzilahle ngenxa yobunengi beziphambeko zazo, ngoba zikuvukele.

¹¹Kodwa kabathabe bonke abathembela kuwe, bamemeze kokuphela ngentokozo, ngoba ubavikele; lalabo abathanda ibizo lakho kabajabule kuwe.

¹²Ngoba wena Nkosi, uzabusisa olungileyo, uzamhanqa ngomusa njengesihlangu esikhulu.