Read Ndebele-IBhayibhili Elingcwele 2006 Amarhubo 50 Bible Online

Amarhubo 50 - Ndebele-IBhayibhili Elingcwele 2006 bible

Amarhubo 50

¹UNkulunkulu wabonkulunkulu, i Nkosi, ukhulumile, ubiza umhlaba kusukela ekuphumeni kwelanga kuze kube sekutshoneni kwalo.

²EseZiyoni, ukuphelela kobuhle, uNkulunkulu ukhanyile.

³UNkulunkulu wethu uzakuza, kayikuthula; umlilo phambi kwakhe uzaqothula, enhlangothini zonke zakhe kuzakuba lesiphepho esikhulu.

⁴Uzabiza amazulu ephezulu, lomhlaba, ukwahlulela abantu bakhe.

⁵Buthelani kimi abangcwele bami, abenza isivumelwano lami ngomhlatshelo.

⁶Lamazulu azatshumayela ukulunga kwakhe, ngoba uNkulunkulu ngokwakhe ungumahluleli. Selah.

⁷Zwanini bantu bami, ngizakhuluma; Israyeli, ngizafakaza ngimelene lawe. NginguNkulunkulu, uNkulunkulu wakho.

⁸Kangikusoli ngenxa yemihlatshelo yakho; leminikelo yakho yokutshiswa ihlala iphambi kwami.

⁹Kangiyikuthatha ijongosi elivela emzini wakho, l ezimpongo ezivela ezibayeni zakho.

¹⁰Ngoba ngeyami yonke inyamazana yehlathi, izinkomo ezisentabeni eziyizinkulungwane.

¹¹Ngiyazazi izinyoni zonke zezintaba, lezilo zommango zikimi.

¹²Uba bengilambile, bengingayikukutshela, ngoba umhlaba ngowami lokugcwala kwawo.

¹³Ngizayidla yini inyama yezinkunzi, kumbe nginathe igazi lezimpongo?

¹⁴Nikela kuNkulunkulu umhlatshelo wokubonga, ukhokhe izithembiso zakho koPhezukonke.

¹⁵Ungibize esukwini lokuhlupheka, ngizakukhulula, ubusungidumisa.

¹⁶Kodwa komubi uNkulunkulu uthi: Ulani lokuthi utshumayele izimiso zami, kumbe uthathe isivumelwano sami emlonyeni wakho?

¹⁷Ngoba wena uzonda ukuqondiswa, ulahla amazwi ami emva kwakho.

¹⁸Uba ubona isela, uthokozelana lalo, lesabelo sakho sisezifebeni.

¹⁹Umlomo wakho uyawunikela ebubini, lolimi lwakho luqambe inkohliso.

²⁰Uhlala ukhulume umelene lomfowenu, uhlebe indodana kanyoko.

²¹Lezizinto uzenzile, ngathula; wacabanga ukuthi nginjengawe kanye. Ngizakukhuza, ngikuhlele phambi kwamehlo akho.

²²Kuqapheleni-ke lokhu, lina elikhohlwa uNkulunkulu, hlezi ngi li dabule, kungabi khona okukhululayo.

²³Onikela umnikelo wokubonga uyangidumisa; lolungisa indlela yakhe ngizambonisa usindiso lukaNkulunkulu.