Read Ndebele-IBhayibhili Elingcwele 2006 Amarhubo 51 Bible Online

Amarhubo 51 - Ndebele-IBhayibhili Elingcwele 2006 bible

Amarhubo 51

¹Ngihawukela, Nkulunkulu, ngokobubele bakho; ngobunengi besihawu sakho yesula iziphambeko zami.

²Ungigezisise ebubini bami, ungihlambulule esonweni sami.

³Ngoba mina ngiyazivuma iziphambeko zami, lesono sami sihlezi siphambi kwami.

⁴Ngonile kuwe, wena wedwa, ngenze okubi emehlweni akho, ukuze kuthiwe ulungile ekukhulumeni kwakho, uhlanzeke ekwahluleleni kwakho.

⁵Khangela, ngazalelwa ebubini, lomama wangomulela esonweni.

⁶Khangela, uthanda iqiniso endaweni ezingaphakathi; lekusithekeni ungenza ngazi inhlakanipho.

⁷Ngihlanze ngehisope*, ngizahlambuluka; ngigezisa, ngizakuba mhlophe kuleliqhwa elikhithikayo.

⁸Ngizwise intokozo lenjabulo, ukuze athabe amathambo o wachobozileyo.

⁹Fihla ubuso bakho ezonweni zami, wesule zonke iziphambeko zami.

¹⁰Nkulunkulu, dala kimi inhliziyo ehlambulukileyo, njalo uvuselele umoya oqinileyo phakathi kwami.

¹¹Ungangilahli ebusweni bakho, njalo ungasusi umoya wakho ongcwele kimi.

¹²Buyisela kimi intokozo yosindiso lwakho, ungisekele ngo moya okhululekileyo.

¹³Khona ngizafundisa abaphambukayo indlela zakho, lezoni zizaphendukela kuwe.

¹⁴Ngikhulula ecaleni legazi, Nkulunkulu, Nkulunkulu wosindiso lwami, ulimi lwami luzahlabelela kakhulu ngokulunga kwakho.

¹⁵Nkosi, vula indebe zami, lomlomo wami uzamemezela indumiso yakho.

¹⁶Ngoba kawuthandi umhlatshelo, ngoba bengizawunika; kawuthokozi ngomnikelo wokutshiswa.

¹⁷Imihlatshelo kaNkulunkulu ingumoya odabukileyo; inhliziyo edabukileyo leyephukileyo, Nkulunkulu, kawuyikuyidelela.

¹⁸Yenzele iZiyoni okuhle ngokuthanda kwakho; uyakhe imiduli yeJerusalema.

¹⁹Khona uzajabulela iminikelo yokulunga, umnikelo wokutshiswa, lomnikelo wonke; khona bezanikela amajongosi phezu kwelathi lakho.