Read Ndebele-IBhayibhili Elingcwele 2006 Amarhubo 57 Bible Online

Amarhubo 57 - Ndebele-IBhayibhili Elingcwele 2006 bible

Amarhubo 57

¹Ngihawukela, Nkulunkulu, ngihawukela, ngoba umphefumulo wami uthembela kuwe; yebo, emthunzini wempiko zakho ngizaphephela, zize zedlule incithakalo.

²Ngizakhala kuNkulunkulu oPhezukonke, kuNkulunkulu ongiphelelisela khona.

³Uzathumela esemazulwini, angisindise, ayangise ofuna ukungiginya. Selah. UNkulunkulu uzathumela umusa wakhe leqiniso lakhe.

⁴Umphefumulo uphakathi kwezilwane, ngilala phakathi kwabavuthayo, amadodana abantu, omazinyo abo ayimikhonto lemitshoko, lolimi lwabo luyinkemba ebukhali.

⁵Phakama ngaphezu kwamazulu, Nkulunkulu; ubukhosi bakho bube phezu komhlaba wonke.

⁶Balungisele izinyathelo zami imbule; umphefumulo wami ukhotheme; bagebhe igodi phambi kwami; bawele phakathi kwalo. Selah.

⁷Inhliziyo yami iqinisiwe, Nkulunkulu, inhliziyo yami iqinisiwe. Ngizahlabelela ngihube indumiso.

⁸Vuka, dumo lwami! Vuka, gubhu lwezintambo lechacho! Ngizavusa ukusa.

⁹Ngizakudumisa phakathi kwabantu, Nkosi, ngihlabelele kuwe phakathi kwezizwe.

¹⁰Ngoba umusa wakho mkhulu kuze kube semazulwini, leqiniso lakho kuze kube semayezini.

¹¹Phakama ngaphezu kwamazulu, Nkulunkulu; ubukhosi bakho bube phezu komhlaba wonke.