Read Ndebele-IBhayibhili Elingcwele 2006 Amarhubo 59 Bible Online

Amarhubo 59 - Ndebele-IBhayibhili Elingcwele 2006 bible

Amarhubo 59

¹Ngikhulula ezitheni zami, Nkulunkulu wami, ungimise ngaphezu kwabangivukelayo.

²Ngikhulula kubenzi bobubi, ungisindise ebantwini abomele igazi.

³Ngoba, khangela, bacathamela umphefumulo wami; abalamandla bayangihlanganyela, kungekho siphambeko sami njalo kungekho sono sami, Nkosi.

⁴Ngaphandle kwecala bayagijima bezilungisa. Vuka, ungihlangabeze, ubone.

⁵Wena-ke, Nkosi Nkulunkulu wamabandla, Nkulunkulu kaIsrayeli; vuka ukuze uhambele zonke izizwe, ungahawukeli lamunye wabakhohlisayo ebubini. Selah.

⁶Bayabuyela kusihlwa, behlaba umkhulungwane njengenja, bezingelezela umuzi.

⁷Khangela, bempompoloza ngomlomo wabo, inkemba zisendebeni zabo, ngoba bathi: Ngubani ozwayo?

⁸Kodwa wena, Nkosi, uzabahleka, uzaziklolodela zonke izizwe.

⁹Ngenxa yamandla akhe ngizalindela kuwe, ngoba uNkulunkulu uyinqaba yami.

¹⁰UNkulunkulu womusa wami uzangandulela; uNkulunkulu uzangenza ngibukele izitha zami.

¹¹Ungazibulali, hlezi abantu bakithi bakhohlwe; uzizulazulise ngamandla akho, uzehlisele phansi, wena sihlangu sethu, Nkosi.

¹²Nge sono somlomo wazo, ng elizwi lendebe zazo, kazibanjwe ekuzigqajeni kwazo, langenxa yokuhlambaza lokuqamba amanga ezikukhulumayo.

¹³U zi qede ngokuthukuthela, u zi qede zingabi khona, ukuze bazi ukuthi uNkulunkulu uyabusa koJakobe, kuze kube sekupheleni komhlaba. Selah.

¹⁴Kababuyele-ke kusihlwa behlaba umkhulungwane njengenja, bezingelezela umuzi.

¹⁵Bona kabazulazulele ukudla, nxa bengasuthanga kabalale.

¹⁶Kodwa mina ngizahlabelela ngamandla akho; yebo, ngizahlabelela kakhulu ekuseni ngomusa wakho; ngoba ube yinqaba yami lesiphephelo sami ngosuku lokuhlupheka kwami.

¹⁷Mandla ami, ngizahlabelela kuwe, ngoba uNkulunkulu uyinqaba yami, uNkulunkulu womusa wami.