Read Ndebele-IBhayibhili Elingcwele 2006 Amarhubo 66 Bible Online

Amarhubo 66 - Ndebele-IBhayibhili Elingcwele 2006 bible

Amarhubo 66

¹Mhubeleni ngentokozo uNkulunkulu, mhlaba wonke.

²Hlabelani ubukhosi bebizo lakhe, lenze udumo lwakhe lube lenkazimulo.

³Tshonini kuNkulunkulu lithi: Yeka ukwesabeka kwezenzo zakho! Ngenxa yobukhulu bamandla akho izitha zakho zizakuthobela ngenkohliso.

⁴Umhlaba wonke uzakukhonza, uhlabelele kuwe, bahlabelele ibizo lakho. Selah.

⁵Wozani libone izenzo zikaNkulunkulu; uyesabeka ekwenzeni ebantwaneni babantu.

⁶Ulwandle waluphendula lwaba ngumhlaba owomileyo; bachapha umfula ngenyawo. Lapho sathokoza kuye.

⁷Ubusa ngamandla akhe kuze kube nininini; amehlo akhe ayazilinda izizwe; abalenkani kabangaziphakamisi. Selah.

⁸Busisani uNkulunkulu, zizwe, lizwakalise ilizwi lendumiso yakhe.

⁹Obeka umphefumulo wethu empilweni, ongavumanga ukuthi unyawo lwethu lutshelele.

¹⁰Ngoba usihlolile, Nkulunkulu, wasicenga njengokucengwa kwesiliva.

¹¹Wasingenisa embuleni, wabeka inhlupheko enkalweni zethu.

¹²Wenze abantu bagade phezu kwekhanda lethu; sadabula emlilweni lasemanzini, kodwa wasikhuphela endaweni elokunengi.

¹³Ngizangena endlini yakho ngileminikelo yokutshiswa; ngizakhokha kuwe izifungo zami,

¹⁴indebe zami eziziphumisileyo, lomlomo wami ozikhulumileyo ngisekuhluphekeni.

¹⁵Ngizanikela kuwe iminikelo yokutshiswa yezinonileyo, kanye lempepha yezinqama; ngizanikela inkomo kanye lezimpongo. Selah.

¹⁶Wozani lizwe lina lonke elimesabayo uNkulunkulu, ngizalandisa akwenzele umphefumulo wami.

¹⁷Ngakhala kuye ngomlomo wami, waphakanyiswa ngaphansi kolimi lwami.

¹⁸Uba benginanze ububi enhliziyweni yami, ibingayikuzwa iNkosi.

¹⁹Qotho uNkulunkulu uzwile, walalela ilizwi lomkhuleko wami.

²⁰Kabusiswe uNkulunkulu, ongabuyiselanga emuva umkhuleko wami, kumbe umusa wakhe kimi.