Read Ndebele-IBhayibhili Elingcwele 2006 Amarhubo 69 Bible Online

Amarhubo 69 - Ndebele-IBhayibhili Elingcwele 2006 bible

Amarhubo 69

¹Ngisindisa, Nkulunkulu, ngoba amanzi asengene kuwo umphefumulo.

²Ngiyatshona odakeni olujulileyo, lapho okungelakuma khona; ngingene emanzini atshonayo, lapho impophoma iyangicwilisa.

³Ngidiniwe yikukhala kwami, umphimbo wami womile qha; amehlo ami ayafiphala ekulindeleni uNkulunkulu wami.

⁴Abangizondayo ngeze banengi okwedlula inwele zekhanda lami; abangangibhubhisa, izitha zami ngaphandle kwecala, balamandla. Lokho engingakwebanga ngasengikubuyisela.

⁵Nkulunkulu, wena uyabazi ubuthutha bami, lezono zami kazifihlakalanga kuwe.

⁶Kabangayangeki ngenxa yami labo abakulindeleyo, Nkosi Jehova wamabandla; bangadunyazwa ngenxa yami labo abakudingayo, Nkulunkulu kaIsrayeli.

⁷Ngoba ngenxa yakho ngithwele ihlazo; inhloni zisibekele ubuso bami.

⁸Sengaba ngowemzini kubafowethu, lowezizweni kubantwana bakamama.

⁹Ngoba ukutshisekela indlu yakho kungidlile, lenhlamba yabakuhlambazayo iwele phezu kwami.

¹⁰Ngasengilila ekuzileni ukudla komphefumulo wami, njalo kwaba yikudunyazwa kimi.

¹¹Ngasengisenza isembatho sami ilembu lesaka, ngaba yisiga kibo.

¹²Abahlezi esangweni bakhuluma ngami, njalo ngaba yingoma yabanatha okunathwayo okulamandla.

¹³Kodwa mina umkhuleko wami ukuwe, Nkosi, ngesikhathi somusa, Nkulunkulu, ngobunengi besihawu sakho, ngiphendule, ngeqiniso losindiso lwakho.

¹⁴Ungophule odakeni, ngingatshoni; ngikhululwe kwabangizondayo lenzikini yamanzi.

¹⁵Impophoma yamanzi kayingangicwilisi, lenziki ingangiginyi, lomgodi ungavali umlomo wawo phezu kwami.

¹⁶Ngiphendula, Nkosi, ngoba uthandolomusa lwakho lulungile; ngobunengi besihawu sakho uphendukele kimi.

¹⁷Njalo ungayifihleli ubuso bakho inceku yakho; ngoba ngiyahlupheka, phangisa ungiphendule.

¹⁸Sondela emphefumulweni wami, uwuhlenge, ungikhulule ngenxa yezitha zami.

¹⁹Wena uyakwazi ukuthukwa kwami lehlazo lami lokudunyazwa kwami; izitha zami zonke ziphambi kwakho.

²⁰Ukuthukwa kuyidabule inhliziyo yami, njalo ngibuthakathaka. Bengilindele ongangi hawukela, kodwa wayengekho, labaduduzayo, kodwa kangi ba tholanga.

²¹Basebengipha inyongo ibe yikudla kwami, lekomeni kwami banginathisa iviniga.

²²Itafula labo eliphambi kwabo kalibe ngumjibila, lenhlalakahle yabo ibe yisifu.

²³Amehlo abo kawafiphale ukuze bangaboni, njalo wenze inkalo zabo zihlale zithuthumele.

²⁴Thela intukuthelo yakho phezu kwabo, lolaka lwakho oluvuthayo lubafice.

²⁵Indawo yabo yokuhlala kayibe lunxiwa, kungabi khona ohlala emathenteni abo.

²⁶Ngoba omtshayileyo wena bayamzingela, njalo baxoxa kube buhlungu kwabalinyazwe nguwe.

²⁷Yengezelela ukona ekoneni kwabo, ukuze bangangeni ekulungeni kwakho.

²⁸Kabesulwe ogwalweni lwabaphilayo, bangabalwa kanye labalungileyo.

²⁹Kodwa mina ngilusizi, ngiyafuthelwa; usindiso lwakho, Nkulunkulu, kalungimise phezulu ngivikelekile.

³⁰Ngizadumisa ibizo likaNkulunkulu ngehubo, ngimkhulise ngokubonga.

³¹Kuzakuba kuhle-ke e Nkosi ni okwedlula inkabi kumbe ijongosi elilempondo lenklagu.

³²Abathobekileyo bazabona, bathokoze; lina elidinga uNkulunkulu inhliziyo yenu izaphila.

³³Ngoba i Nkosi iyabezwa abaswelayo, njalo kayideleli izibotshwa zayo.

³⁴Kakuthi amazulu lomhlaba kuyidumise, izinlwandle lakho konke okunyakaza phakathi kwazo.

³⁵Ngoba uNkulunkulu uzasindisa iZiyoni, ayakhe imizi yakoJuda; njalo bahlale khona badle ilifa layo.

³⁶Lenzalo yenceku zakhe izakudla ilifa layo, labathanda ibizo lakhe bazahlala kuyo.