Read Ndebele-IBhayibhili Elingcwele 2006 Amarhubo 7 Bible Online

Amarhubo 7 - Ndebele-IBhayibhili Elingcwele 2006 bible

Amarhubo 7

¹Nkosi, Nkulunkulu wami, ngiyathembela kuwe; ngisindisa kubo bonke abangizingelayo, ungikhulule.

²Hlezi adabule umphefumulo wami njengesilwane, edabudabula, kungekho okhululayo.

³Nkosi, Nkulunkulu wami, uba ngikwenzile lokhu, uba kukhona okubi ezandleni zami,

⁴uba ngiphindisele okubi kosekuthuleni lami (yebo ngakhulula oyisitha sami ngaphandle kwesizatho),

⁵isitha kasizingele umphefumulo wami, siwufice, siyinyathelele impilo yami emhlabathini, senze udumo lwami luhlale ethulini. Selah.

⁶Vuka, Nkosi, ngolaka lwakho, ziphakamise ngenxa yentukuthelo yezitha zami; ungivusele isahlulelo o silayileyo.

⁷Ngakho inhlangano yezizwe izakuhanqa; langenxa yayo buya ngaphezulu.

⁸I Nkosi izakwahlulela izizwe. Ngahlulela, Nkosi, njengokulunga kwami lanjengobuqotho bami obu kimi.

⁹Ake buphele ububi bababi, kodwa umqinise olungileyo, ngoba ohlola inhliziyo lezinso nguNkulunkulu olungileyo.

¹⁰Isihlangu sami sikuNkulunkulu osindisa abaqotho enhliziyweni.

¹¹UNkulunkulu ngumahluleli olungileyo, njalo nguNkulunkulu othukuthela insuku zonke.

¹²Uba engaphenduki, uzalola inkemba yakhe; useligobile idandili lakhe walilungisa.

¹³Usemlungisele izikhali zokufa, wenzela abazingeli imitshoko yakhe etshisayo.

¹⁴Khangela, uhelelwa ngokubi, akhulelwe yikona, azale amanga.

¹⁵Agebhe umgodi awugubhe, abesewela egodini alenzileyo.

¹⁶Ububi bakhe buzabuyela phezu kwekhanda lakhe, lodlame lwakhe lwehlele enkanda yakhe.

¹⁷Ngizayidumisa i Nkosi njengokulunga kwayo, ngihlabelele ibizo le Nkosi ephezu konke.