Read Ndebele-IBhayibhili Elingcwele 2006 Amarhubo 73 Bible Online

Amarhubo 73 - Ndebele-IBhayibhili Elingcwele 2006 bible

Amarhubo 73

¹Qotho uNkulunkulu ulungile kuIsrayeli, kulabo abahlambulukileyo enhliziyweni.

²Kodwa mina inyawo zami zaphose zasuka, izinyathelo zami zaphose zatshelela.

³Ngoba ngaba lomhawu ngabayizithutha, ngibona ukuphumelela kwababi.

⁴Ngoba kakulazibopho ekufeni kwabo, kodwa amandla abo aqinile.

⁵Kabakho enhluphekweni njengabanye abantu, njalo kabahlutshwa nje ngabanye abantu.

⁶Ngakho-ke ukuzigqaja kuyabazungeza njengeketane, udlame luyabasibekela njeng esembatho.

⁷Amehlo abo aqumbile ngamafutha; bedlula ukunakana kwenhliziyo.

⁸Bayakloloda, bakhulume ngobubi ngocindezelo; bakhuluma besekuphakameni.

⁹Bamisa umlomo wabo umelene lamazulu, lolimi lwabo luhamba emhlabeni.

¹⁰Ngakho abantu bakhe bayaphendukela lapha, lamanzi enkezo egcweleyo akhanyelwa bona.

¹¹Njalo bathi: UNkulunkulu wazi njani? Kukhona ulwazi yini koPhezukonke?

¹²Khangela, laba ngabangelaNkulunkulu, kanti bayaphumelela elizweni, bandisa inotho.

¹³Isibili ngihlambulule inhliziyo yami ngeze, ngageza izandla zami ngokungelacala.

¹⁴Ngoba ngihlutshiwe usuku lonke, lesijeziso sami sisekuseni yonke.

¹⁵Uba bengingathi: Ngizakhuluma ngokunje, khangela, ngabe ngisikhohlisile isizukulwana sabantwana bakho.

¹⁶Lapho nganakana ukwazi lokhu, kwakubuhlungu emehlweni ami,

¹⁷ngaze ngangena ezindlini ezingcwele zikaNkulunkulu; nga sengi kuqedisisa ukuphela kwabo.

¹⁸Isibili ubamisa endaweni ezitshelelayo, ubawisela ekubhujisweni.

¹⁹Yeka ukuchitheka kwabo njengokucwayiza kwelihlo! Baphela baqedwe ngokwesabisayo.

²⁰Njengephupho ekuphaphameni, Nkosi, nxa uvuka uzadelela umfanekiso wabo.

²¹Ngakho inhliziyo yami yaba buhlungu, ngahlatshwa ezinsweni zami.

²²Njalo ngaba yisiphukuphuku esingaziyo, ngaba njenge nyamazana kuwe.

²³Kodwa mina ngihlezi ngilawe; ubambe isandla sami sokunene.

²⁴Uzangikhokhela ngeseluleko sakho, lemva kwalokho ungemukele e nkazimulw eni.

²⁵Ngilobani emazulwini ngaphandle kwakho? Njalo kakukho engikufisayo emhlabeni ngaphandle kwakho.

²⁶Inyama yami lenhliziyo yami kuyaphela; uNkulunkulu ulidwala lenhliziyo yami lesabelo sami kuze kube nininini.

²⁷Ngoba khangela, abakhatshana lawe bazabhubha; ubachithile bonke abaphingayo ngo kusuka kuwe.

²⁸Kodwa mina kungilungele ukusondela kuNkulunkulu; ngibeke isiphephelo sami eNkosini uJehova, ukutshumayela zonke izenzo zakho.