Read Ndebele-IBhayibhili Elingcwele 2006 Amarhubo 83 Bible Online

Amarhubo 83 - Ndebele-IBhayibhili Elingcwele 2006 bible

Amarhubo 83

¹Nkulunkulu, ungazithuleli; ungathuli, ungathi zwi, Nkulunkulu.

²Ngoba, khangela, izitha zakho ziyaxokozela, labakuzondayo baphakamise ikhanda.

³Benzela abantu bakho iseluleko sobuqili, bacebisana bemelene labafihliweyo bakho.

⁴Bathi: Wozani, sibaqume, bangabi yisizwe, lebizo likaIsrayeli lingabe lisakhunjulwa.

⁵Ngoba bacebisana nganhliziyonye, benza isivumelwano esimelana lawe;

⁶amathente eEdoma, lamaIshmayeli; iMowabi, lamaHagari;

⁷iGebali, leAmoni, leAmaleki; amaFilisti kanye labakhileyo beTire;

⁸iAshuri layo isizihlanganise labo; bebeyingalo ebantwaneni bakaLothi. Selah.

⁹Yenza kubo njengeMidiyani, njengoSisera, njengoJabini, esifuleni iKishoni.

¹⁰Babhubhela eEndori, baba ngumquba womhlabathi.

¹¹Yenza zona izikhulu zabo zibe njengoOrebi lanjengoZebi, lawo wonke amakhosana abo abe njengoZeba lanjengoZalimuna,

¹²abathi: Kasizithathele amadlelo kaNkulunkulu abe ngawethu.

¹³Nkulunkulu wami, benze babe njengokuhwithwayo, njengamakhoba phambi komoya,

¹⁴njengomlilo utshisa ihlathi, lanjengelangabi lithungela izintaba.

¹⁵Ngokunjalo baxotshe ngesivunguzane sakho, ubethuse ngesiphepho sakho.

¹⁶Gcwalisa ubuso babo ngehlazo, ukuze balidinge ibizo lakho, Nkosi.

¹⁷Kababe lenhloni bethuke kuze kube nininini, yebo, badunyazwe babhubhe.

¹⁸Ukuze bazi ukuthi nguwe wedwa, obizo lakho nguJehova, oPhezukonke emhlabeni wonke.