Read Ndebele-IBhayibhili Elingcwele 2006 Amarhubo 88 Bible Online

Amarhubo 88 - Ndebele-IBhayibhili Elingcwele 2006 bible

Amarhubo 88

¹Nkosi Nkulunkulu wosindiso lwami, emini, ebusuku ngakhala phambi kwakho.

²Umkhuleko wami kawuze phambi kwakho; beka indlebe yakho ekukhaleni kwami.

³Ngoba umphefumulo wami ugcwele ukuhlupheka, lempilo yami ifinyelela engcwabeni.

⁴Ngibalwa lalabo abehlela emgodini; nginjengomuntu ongelamandla.

⁵Ngikhululwe phakathi kwabafileyo, nginjengababuleweyo abalele engcwabeni, ongasabakhumbuliyo; ngoba bequnyiwe basuswa esandleni sakho.

⁶Ungifakile emgodini ongaphansi kakhulu, emnyameni, ekujuleni.

⁷Intukuthelo yakho iyangeleka, la ngawo wonke amagagasi akho ungihluphile. Selah.

⁸Ususele khatshana lami abejwayelene lami; wangenza ngibe yisinengiso kubo; ngi valelwe, ngingephume.

⁹Ilihlo lami liyaphela ngenxa yosizi. Ngikubizile lonke usuku, Nkosi, ngelulele izandla zami kuwe.

¹⁰Abafileyo uyabenzela isimangaliso yini? Abafileyo bazavuka yini bakudumise? Selah.

¹¹Uthando lwakho luzalandiswa yini engcwabeni? Ukuthembeka kwakho encithakalweni yini?

¹²Isimangaliso sakho sizakwaziwa yini emnyameni? Lokulunga kwakho elizweni lokukhohlwa yini?

¹³Kodwa mina, Nkosi, ngikhalile kuwe, lekuseni umkhuleko wami uzakuza phambi kwakho.

¹⁴Nkosi, ulahlelani umphefumulo wami? Ubufihlela ni ubuso bakho kimi?

¹⁵Ngihluphekile ngingofayo kusukela ebutsheni, ngithwele ukwesabeka kwakho, ngikhathazekile.

¹⁶Ulaka lwakho olutshisayo ludlulile phezu kwami, okwesabekayo kwakho kungiqedile.

¹⁷Kungizingelezile njengamanzi usuku lonke, kungihanqile kanyekanye.

¹⁸Ususele khatshana lami othandayo lomngane, abejwayelene lami bas e mnyam eni.