Read Ndebele-IBhayibhili Elingcwele 2006 Amarhubo 9 Bible Online

Amarhubo 9 - Ndebele-IBhayibhili Elingcwele 2006 bible

Amarhubo 9

¹Ngiza ku dumisa, Nkosi, ngenhliziyo yami yonke, ngilandise zonke izimangaliso zakho.

²Ngizathaba ngithokoze kuwe, ngihlabele indumiso ebizweni lakho, wena oPhezukonke.

³Lapho izitha zami zibuyela emuva, zizakuwa, zibhubhe phambi kwakho.

⁴Ngoba ulimele ilungelo lami lodaba lwami, wahlala esihlalweni sobukhosi, wahlulela ngokulungileyo.

⁵Uzikhuzile izizwe, wabhubhisa omubi; walesula ibizo labo kuze kube nini lanini.

⁶Sitha, iphelile yonke incithakalo; uyidilizile imizi; ukukhunjulwa kwayo kubhubhe kanye la yo.

⁷Kodwa i Nkosi izahlala kuze kube phakade, isihlalo sayo sobukhosi isilungisele isahlulelo.

⁸Yona-ke izawahlulela umhlaba ngokulunga, ibagwebe abantu ngokuqonda.

⁹Njalo i Nkosi izakuba yisiphephelo socindezelweyo, isiphephelo ngezikhathi zokuhlupheka.

¹⁰Labalaziyo ibizo lakho bazathemba kuwe, ngoba wena Nkosi, kawubatshiyanga abakudingayo.

¹¹Hlabelani indumiso e Nkosi ni ehlezi eZiyoni, limemezele phakathi kwabantu izenzo zayo.

¹²Ngoba idinga igazi, iyabakhumbula, kayikhohlwa ukukhala kwabahlutshwayo.

¹³Woba lomusa kimi, Nkosi, ubone uhlupho lwami oluvela kwabangizondayo, wena ongiphakamisayo emasangweni okufa,

¹⁴ukuze ngilandise yonke indumiso yakho emasangweni endodakazi yeZiyoni, ngithokoze kusindiso lwakho.

¹⁵Izizwe zitshone emgodini e zawenzayo, embuleni ezalithiyayo unyawo lwazo lubanjiwe.

¹⁶I Nkosi iyaziwa, yenza isahlulelo; omubi uthiywe emsebenzini wezandla zakhe. Higayoni. Selah.

¹⁷Abakhohlakeleyo bazabuyela esihogweni, zonke izizwe ezimkhohlwayo uNkulunkulu.

¹⁸Ngoba oswelayo kayikukhohlakala kokuphela; ithemba labayanga ka li yiku nyamalala phakade.

¹⁹Vuka, Nkosi, umuntu kanganqobi; izizwe kazigwetshwe phambi kwakho.

²⁰Zitshayise ngovalo, Nkosi, izizwe kazikwazi ukuthi zingabantu nje. Selah.