Read Ndebele-IBhayibhili Elingcwele 2006 Amarhubo 90 Bible Online

Amarhubo 90 - Ndebele-IBhayibhili Elingcwele 2006 bible

Amarhubo 90

¹Nkosi, wena ubuyindawo yethu yokuhlala kusizukulwana lesizukulwana.

²Zingakazalwa intaba, kumbe uveze umhlaba lelizwe, ngitsho kusukela ephakadeni kuze kube sephakadeni wena unguNkulunkulu.

³Uyambuyisela umuntu encithakalweni, uthi: Buyelani, bantwana babantu.

⁴Ngoba iminyaka eyinkulungwane emehlweni akho injengelanga lezolo selidlulile, la nje ngomlindo ebusuku.

⁵Uyabakhukhula, ba nje ngobuthongo, ekuseni banjengotshani obukhulayo.

⁶Ekuseni buyakhahlela, bukhule, ntambama buyasikwa, bubune.

⁷Ngoba siyaqedwa yikuthukuthela kwakho, langolaka lwakho sibhujiswe.

⁸Ubekile iziphambeko zethu phambi kwakho, izono zethu ezifihlakeleyo ekukhanyeni kobuso bakho.

⁹Ngoba insuku zethu zonke ziyedlula elakeni lwakho; sichitha iminyaka yethu njengenganekwane.

¹⁰Insuku zeminyaka yethu, kuleminyaka engamatshumi ayisikhombisa kuzo; njalo uba ngenxa yamandla zingamatshumi ayisificaminwembili, kanti amandla ayo angumzamo losizi, ngoba aphangisa aqunywe, sibe sesiphapha sinyamalale.

¹¹Ngubani owaziyo amandla okuthukuthela kwakho? Lanjengokwesabeka kwakho lunjalo ulaka lwakho.

¹²Ngokunjalo si fundise ukubala insuku zethu, ukuze sizuze inhliziyo yenhlakanipho.

¹³Phenduka, Nkosi ! Koze kube nini? Uzisole mayelana lenceku zakho.

¹⁴Sisuthise ekuseni ngomusa wakho, ukuze sithabe sijabule insuku zethu zonke.

¹⁵Sithokozise njengokwensuku owasihlupha ngazo, iminyaka esabona okubi kuyo.

¹⁶Umsebenzi wakho kawubonakale ezincekwini zakho, lenkazimulo yakho ebantwaneni bazo.

¹⁷Ubuhle beNkosi, uNkulunkulu wethu, kabube phezu kwethu; uqinise umsebenzi wezandla zethu kithi, yebo, umsebenzi wezandla zethu uwuqinise.