Read Ndebele-IBhayibhili Elingcwele 2006 Amarhubo 91 Bible Online

Amarhubo 91 - Ndebele-IBhayibhili Elingcwele 2006 bible

Amarhubo 91

¹Ohlezi ekusithekeni koPhezukonke uzahlala emthunzini kaSomandla.

²Ngizakuthi e Nkosi ni: Uy isiphephelo sami lenqaba yami, uNkulunkulu wami, engithemba kuye.

³Sibili yena uzakukhulula emjibileni womthiyi, kuye umatshayabhuqe wesifo obhubhisayo.

⁴Uzakusibekela ngensiba zakhe, uzathembela langaphansi kwempiko zakhe; iqiniso lakhe liyisihlangu lehawu.

⁵Kawuyikwesaba isesabiso sebusuku, umtshoko ophaphayo emini,

⁶umatshayabhuqe wesifo ohambayo emnyameni, incithakalo ebhubhisayo emini enkulu.

⁷Bazakuwa abayinkulungwane eceleni kwakho, labayizinkulungwane ezilitshumi ngakwesokunene sakho; kuwe kakuyikusondela.

⁸Uzakhangela nje ngamehlo akho, ubone impindiselo kwababi.

⁹Ngoba wena, Nkosi, uyisiphephelo sami; umenzile oPhezukonke waba yindawo yakho yokuhlala.

¹⁰Kakulabubi obuzakwehlela, lenhlupheko kayiyikusondela ethenteni lakho.

¹¹Ngoba uzalaya ingilosi zakhe ngawe, ukuthi zikulondoloze endleleni zakho zonke.

¹²Zizakuphatha ezandleni, hlezi utshayeke ngonyawo lwakho elitsheni.

¹³Uzanyathela isilwane lebululu, uzagxoba ibhongo lesilwane, lomgobho.

¹⁴Ngoba uyangithanda kakhulu, ngakho ngizamkhulula; ngizambeka phezulu, ngoba uyalazi ibizo lami.

¹⁵Uzangibiza, njalo ngimphendule; ngibe laye ekuhluphekeni, ngimkhulule, ngimnike udumo.

¹⁶Ngizamsuthisa ngobude bezinsuku, ngimtshengise usindiso lwami.