Read Ndebele-IBhayibhili Elingcwele 2006 Izaga 10 Bible Online

Izaga 10 - Ndebele-IBhayibhili Elingcwele 2006 bible

Izaga 10

¹Izaga zikaSolomoni. Indodana ehlakaniphileyo ithokozisa uyise, kodwa indodana eyisithutha ilusizi kunina.

²Inotho yenkohlakalo kayisizi lutho, kodwa ukulunga kophula ekufeni.

³I Nkosi kayiyekeli umphefumulo wolungileyo ulambe, kodwa isunduza isifiso sababi.

⁴Osebenza nge sandla esixegayo uba ngumyanga, kodwa isandla sabakhutheleyo siyanothisa.

⁵Ovuna ehlobo uyindodana ehlakaniphileyo; olala ubuthongo obukhulu ngesikhathi sokuvuna uyindodana ethelela ihlazo.

⁶Izibusiso zisekhanda lolungileyo, kodwa ubudlwangudlwangu busibekela umlomo wabakhohlakeleyo.

⁷Ukukhunjulwa kolungileyo kungokwesibusiso, kodwa ibizo labakhohlakeleyo lizabola.

⁸Ohlakaniphileyo ngenhliziyo uyemukela imilayo, kodwa isithutha ngendebe sizawiselwa phansi.

⁹Ohamba ngobuqotho uhamba evikelekile, kodwa ophambula indlela zakhe uzakwaziwa.

¹⁰Ociyoza ilihlo ubanga inkathazo, njalo isithutha ngendebe sizawiselwa phansi.

¹¹Umlomo wolungileyo ungumthombo wempilo, kodwa ubudlwangudlwangu busibekela umlomo wabakhohlakeleyo.

¹²Inzondo ibanga ingxabano, kodwa uthando lusibekela iziphambeko zonke.

¹³Endebeni zoqedisisayo kutholakala inhlakanipho, kodwa intonga emhlane woswela ingqondo.

¹⁴Abahlakaniphileyo babekelela ulwazi, kodwa umlomo wesithutha useduze lencithakalo.

¹⁵Inotho yonothileyo ingumuzi wamandla akhe; ubuyanga babayanga buyincithakalo yabo.

¹⁶Umsebenzi wolungileyo ngowempilo; inzuzo yokhohlakeleyo ngeyesono.

¹⁷Ogcina ukulaywa u se ndlel eni yempilo, kodwa odelela ukukhuzwa ubanga ukuduha.

¹⁸Osibekela inzondo ungowendebe zamanga, lohlebayo uyisithutha.

¹⁹Ebunengini bamazwi ukuphambeka kakusileli, kodwa othiba indebe zakhe uhlakaniphile.

²⁰Ulimi lolungileyo luyisiliva esikhethekileyo; inhliziyo yokhohlakeleyo injengento encinyane.

²¹Indebe zolungileyo zondla abanengi, kodwa izithutha ziyafa ngokuswela ingqondo.

²²Isibusiso se Nkosi sona siyanothisa; njalo kayengezi usizi kuso.

²³Kunjengenhlekisa koyisithutha ukwenza okubi; kunjalo inhlakanipho kumuntu wokuqedisisa.

²⁴Lokho okhohlakeleyo akwesabayo kuzamfikela, kodwa isiloyiso solungileyo sizanikwa.

²⁵Njengokwedlula kwesivunguzane, unjalo okhohlakeleyo ka se kho; kodwa olungileyo uyisisekelo saphakade.

²⁶Njengeviniga emazinyweni, lanjengentuthu emehlweni, unjalo olivila kwabamthumileyo.

²⁷Ukuyesaba i Nkosi kwandisa insuku, kodwa iminyaka yabakhohlakeleyo izafinyezwa.

²⁸Ithemba labalungileyo liyintokozo, kodwa okulindelwayo kwabakhohlakeleyo kuzabhubha.

²⁹Indlela ye Nkosi iyinqaba koqotho, kodwa iyincithakalo kubenzi bobubi.

³⁰Olungileyo kayikunyikinywa laphakade, kodwa abakhohlakeleyo kabayikuhlala elizweni.

³¹Umlomo wolungileyo ukhupha inhlakanipho, kodwa ulimi oluphambeneyo luzaqunywa.

³²Indebe zolungileyo ziyazi okuthokozisayo, kodwa umlomo wabakhohlakeleyo iziphambeko.