Read Ndebele-IBhayibhili Elingcwele 2006 Izaga 11 Bible Online

Izaga 11 - Ndebele-IBhayibhili Elingcwele 2006 bible

Izaga 11

¹Isikali esikhohlisayo siyisinengiso e Nkosi ni, kodwa ilitshe lokulinganisa elipheleleyo liyintokozo yayo.

²Nxa kufika ukuzigqaja, kufika lehlazo; kodwa kwabathobekileyo kukhona inhlakanipho.

³Ubuqotho babaqotho buzabaqondisa, kodwa ukuphambeka kwabaphambekayo kuzababhubhisa.

⁴Inotho kayisizi ngosuku lolaka, kodwa ukulunga kophula ekufeni.

⁵Ukulunga kwabaqotho kuzaqondisa indlela yakhe, kodwa okhohlakeleyo uzakuwa ngenkohlakalo yakhe.

⁶Ukulunga kwabaqotho kuzabophula, kodwa abaphambukayo bazathunjwa zinkanuko zabo.

⁷Nxa umuntu okhohlakeleyo esifa, ithemba lakhe lizabhubha, lethemba lamandla akhe liyabhubha.

⁸Olungileyo ukhululwa ekuhluphekeni, kodwa omubi ungena endaweni yakhe.

⁹Ngomlomo umzenzisi uchitha umakhelwane wakhe, kodwa ngolwazi abalungileyo bayakhululwa.

¹⁰Ngempumelelo yabalungileyo umuzi uyathokoza; lekubhubheni kwabakhohlakeleyo kulenjabulo.

¹¹Ngesibusiso sabaqotho umuzi uyaphakanyiswa, kodwa ngomlomo wabakhohlakeleyo uyachitheka.

¹²Oswela ingqondo udelela umakhelwane, kodwa umuntu oqedisisayo uyazithulela.

¹³Ohamba enyeya wembula imfihlakalo, kodwa othembekileyo ngomoya ufihla udaba.

¹⁴Lapho kungekho izeluleko abantu bayawa; kodwa ukukhululwa kusebunengini babeluleki.

¹⁵Oba yisibambiso sowezizwe uzahlupheka ngokubi; kodwa ozonda ukuqakeza izandla uvikelekile.

¹⁶Owesifazana olomusa ubamba udumo, labalamandla babamba inotho.

¹⁷Umuntu olomusa wenzela umphefumulo wakhe okuhle, kodwa olesihluku ukhathaza inyama yakhe.

¹⁸Okhohlakeleyo wenza umsebenzi wenkohliso, kodwa ohlanyela ukulunga ulo mvuzo weqiniso.

¹⁹Njengoba ukulunga kungokwempilo, kunjalo ozingela okubi kungokokufa kwakhe.

²⁰Abaphambeneyo ngenhliziyo bayisinengiso e Nkosi ni, kodwa abaqotho ngendlela bayintokozo yayo.

²¹Isandla esandleni omubi kayikuba msulwa, kodwa inzalo yabalungileyo izaphepha.

²²Ulisongo legolide empumulweni yengulube owesifazana obukekayo ophambuka engqondweni.

²³Isifiso sabalungileyo singokuhle kuphela; ithemba labakhohlakeleyo lulaka.

²⁴Kukhona ohlakazayo, kube kanti okunengi kuyengezwa; logodla okwedlula okufaneleyo, kodwa kungokokuswela.

²⁵Umphefumulo obusisayo uzakhuluphaliswa, lothelelayo uzathelelwa laye.

²⁶Ogodla amabele, abantu bazamqalekisa; kodwa isibusiso sizakuba phezu kwekhanda lothengisayo.

²⁷Odingisisa okuhle, udinga umusa; kodwa odinga okubi, kuzakuza kuye.

²⁸Othemba inotho yakhe yena uzakuwa, kodwa abalungileyo bazahluma njengamahlamvu.

²⁹Oletha inkathazo emzini wakhe uzakudla ilifa lomoya, lesithutha sizakuba yinceku yohlakaniphileyo ngenhliziyo.

³⁰Isithelo solungileyo siyisihlahla sempilo, lozuza imiphefumulo uhlakaniphile.

³¹Khangela, olungileyo uzavuzwa emhlabeni; kakhulu kangakanani omubi lesoni!