Read Ndebele-IBhayibhili Elingcwele 2006 Izaga 12 Bible Online

Izaga 12 - Ndebele-IBhayibhili Elingcwele 2006 bible

Izaga 12

¹Othanda ukulaywa uthanda ulwazi; kodwa ozonda ukukhuzwa uyisithutha.

²Olungileyo uzuza umusa e Nkosi ni, kodwa umuntu wamacebo amabi iyamlahla.

³Umuntu kayikumiswa yibubi, kodwa impande yabalungileyo kayiyikunyikinywa.

⁴Umfazi okhutheleyo ungumqhele wendoda yakhe, kodwa oyangisayo unjengokubola emathanjeni ayo.

⁵Imicabango yabalungileyo ilungile; izeluleko zababi ziyinkohliso.

⁶Amazwi abakhohlakeleyo ngawokucathamela igazi, kodwa umlomo wabaqotho uzabophula.

⁷Abakhohlakeleyo bayachithwa, bangabe besaba khona; kodwa indlu yabalungileyo izakuma.

⁸Umuntu uzadunyiswa ngokwenhlakanipho yakhe, kodwa ophambeke ngenhliziyo uzakuba ngowokudelelwa.

⁹Odelelekayo elesisebenzi ungcono kulozihloniphayo aswele ukudla.

¹⁰Olungileyo unanzelela impilo yesifuyo sakhe, kodwa izihawu zabakhohlakeleyo ziyilunya.

¹¹Olima insimu yakhe uzasutha ngokudla, kodwa ozingela izinto eziyize uswela ingqondo.

¹²Okhohlakeleyo ufisa imbule yababi, kodwa impande yabalungileyo iyanika.

¹³Ekuphambekeni kwendebe kulomjibila womubi, kodwa olungileyo uzaphuma enkathazweni.

¹⁴Umuntu uzasutha ngokulungileyo ngesithelo somlomo, lomvuzo wezandla zomuntu uzabuyiselwa kuye.

¹⁵Indlela yesithutha ilungile emehlweni aso, kodwa olalela iseluleko uhlakaniphile.

¹⁶Isithutha, intukuthelo yaso yaziwa ngosuku; kodwa ohlakaniphileyo ufihla ihlazo.

¹⁷Ophefumula iqiniso wazisa ukulunga, kodwa umfakazi wamanga inkohliso.

¹⁸Kukhona ophahluka njengokuhlaba kwenkemba, kodwa ulimi lwezihlakaniphi luyikusilisa.

¹⁹Indebe yeqiniso izamiswa phakade, kodwa ulimi lwamanga lungolomzuzu nje.

²⁰Inkohliso isenhliziyweni yabaceba okubi, kodwa abeluleki bokuthula balentokozo.

²¹Lokukodwa okubi kakuyikubehlela abalungileyo, kodwa abakhohlakeleyo bagcwele ububi.

²²Indebe zamanga ziyisinengiso e Nkosi ni, kodwa abenza iqiniso bayintokozo yayo.

²³Umuntu ohlakaniphileyo ufihla ulwazi, kodwa inhliziyo yezithutha imemezela ubuthutha.

²⁴Isandla sabakhutheleyo sizabusa, kodwa amavila azakuba yizibhalwa.

²⁵Ukukhathazeka enhliziyweni yomuntu kuyayithobisa, kodwa ilizwi elihle liyayithokozisa.

²⁶Olungileyo uhlolisisa okwedlula umakhelwane wakhe, kodwa indlela yabakhohlakeleyo iyabaduhisa.

²⁷Olivila kayikosa inyamazana yakhe ayizingeleyo, kodwa impahla yomuntu okhutheleyo iligugu.

²⁸Endleleni yokulunga kulempilo, lendleleni yomkhondo kakulakufa.