Read Ndebele-IBhayibhili Elingcwele 2006 Izaga 15 Bible Online

Izaga 15 - Ndebele-IBhayibhili Elingcwele 2006 bible

Izaga 15

¹Impendulo ethambileyo ibuyisela emuva ulaka, kodwa ilizwi elilukhuni livusa intukuthelo.

²Ulimi lwabahlakaniphileyo lwenza ulwazi lube luhle, kodwa umlomo wezithutha uthulula ubuthutha.

³Amehlo e Nkosi akuyo yonke indawo, eqaphela ababi labalungileyo.

⁴Ukusilisa kolimi kuyisihlahla sempilo, kodwa ukuphambeka kulo kuyikwephuka emoyeni.

⁵Isithutha sidelela ukulaya kukayise, kodwa onanza ukukhuzwa uhlakaniphile.

⁶E ndl ini yolungileyo kulenotho enengi, kodwa enzuzweni yomubi kulenkathazo.

⁷Indebe zabahlakaniphileyo ziyahlakaza ulwazi, kodwa inhliziyo yezithutha kayinjalo.

⁸Umhlatshelo wabakhohlakeleyo uyisinengiso e Nkosi ni, kodwa umkhuleko wabaqotho uyintokozo yayo.

⁹Indlela yokhohlakeleyo iyisinengiso e Nkosi ni, kodwa ithanda ozingela ukulunga.

¹⁰Ukujezisa kubi kotshiya indlela; ozonda ukukhuzwa uzakufa.

¹¹Isihogo lentshabalalo kuphambi kwe Nkosi; kakhulu kangakanani inhliziyo zabantwana babantu!

¹²Isideleli kasithandi osikhuzayo, kasiyi kwabahlakaniphileyo.

¹³Inhliziyo ethokozayo yenza ubuso bujabule, kodwa ngosizi lwenhliziyo umoya uyadabuka.

¹⁴Inhliziyo yoqedisisayo idinga ulwazi, kodwa umlomo wezithutha udla ubuthutha.

¹⁵Zonke insuku zohluphekayo zimbi, kodwa inhliziyo ethokozayo ilidili njalonjalo.

¹⁶Kungcono okuncinyane kanye lokwesaba i Nkosi kulenotho enengi lenkathazo kanye layo.

¹⁷Kungcono isidlo semibhida lapho okulothando khona kulenkabi enonileyo lenzondo kanye layo.

¹⁸Umuntu ololaka udungula ingxabano, kodwa ophuza ukuthukuthela uzathulisa ingxabano.

¹⁹Indlela yevila injengothango lwameva, kodwa indlela yabaqotho ibuthelelwe.

²⁰Indodana ehlakaniphileyo ithokozisa uyise, kodwa umuntu oyisithutha weyisa unina.

²¹Ubuthutha buyintokozo koswela ingqondo, kodwa umuntu oqedisisayo uyaqondisa ukuhamba kwakhe.

²²Amaqhinga angelaseluleko ayachitheka, kodwa ngabeluleki abanengi ayakuma.

²³Umuntu ulentokozo ngempendulo yomlomo wakhe; lelizwi ngesikhathi salo, lihle kangakanani.

²⁴Indlela yempilo kohlakaniphileyo iya phezulu, ukuze asuke esihogweni phansi.

²⁵I Nkosi izadiliza indlu yozigqajayo, kodwa izamisa umngcele womfelokazi.

²⁶Imicabango yomubi iyisinengiso e Nkosi ni, kodwa amazwi amnandi ahlambulukile.

²⁷Ophanga inzuzo ukhathaza indlu yakhe, kodwa ozonda izipho uzaphila.

²⁸Inhliziyo yolungileyo inakana ukuphendula, kodwa umlomo wababi uthulula izinto ezimbi.

²⁹I Nkosi ikhatshana labakhohlakeleyo, kodwa iyezwa umkhuleko wabalungileyo.

³⁰Ukukhanya kwamehlo kuthokozisa inhliziyo, lodaba oluhle lwenza amathambo akhuluphale.

³¹Indlebe elalela ukukhuzwa kwempilo izahlala phakathi kwabahlakaniphileyo.

³²Owala ukulaywa weyisa umphefumulo wakhe, kodwa olalela ukukhuzwa uzuza ukuqedisisa.

³³Ukuyesaba i Nkosi kuyikufundiswa kwenhlakanipho, lokuthobeka kwandulela udumo.