Read Ndebele-IBhayibhili Elingcwele 2006 Izaga 16 Bible Online

Izaga 16 - Ndebele-IBhayibhili Elingcwele 2006 bible

Izaga 16

¹Umuntu ulamacebo enhliziyo, kodwa impendulo yolimi ivela e Nkosi ni.

²Zonke indlela zomuntu zihlanzekile emehlweni akhe, kodwa i Nkosi ilinganisa imimoya.

³Giqela e Nkosi ni imisebenzi yakho, lamacebo akho azaqiniswa.

⁴I Nkosi izenzele konke, lomubi laye usuku lobubi.

⁵Wonke ozigqajayo ngenhliziyo uyisinengiso e Nkosi ni; isandla esandleni, kayikuba msulwa.

⁶Ngomusa leqiniso isono siyahlawulelwa, langokuyesaba i Nkosi umuntu uyasuka ebubini.

⁷Nxa indlela zomuntu zithokozisa i Nkosi, iyenza lezitha zakhe zibe lokuthula laye.

⁸Okulutshwana kanye lokulunga kungcono kulobunengi benzuzo engelakulunga.

⁹Inhliziyo yomuntu iceba indlela yakhe, kodwa i Nkosi iqondisa inyathelo lakhe.

¹⁰Ilizwi likaNkulunkulu lisendebeni zenkosi; umlomo wayo kawuyikuphambeka kusahlulelo.

¹¹Isikali lesilinganiso esilungileyo kungokwe Nkosi; wonke amatshe okulinganisa omgodla angumsebenzi wayo.

¹²Kuyisinengiso emakhosini ukwenza okubi, ngoba isihlalo sobukhosi simiswa ngokulunga.

¹³Indebe zokulunga ziyintokozo yamakhosi; iyathanda okhuluma izinto eziqondileyo.

¹⁴Ulaka lombusi luyizithunywa zokufa, kodwa umuntu ohlakaniphileyo uzaluthulisa.

¹⁵Ekukhanyeni kobuso benkosi kulempilo, lomusa wayo unjengeyezi lezulu lamuva.

¹⁶Kungcono kangakanani ukuzuza inhlakanipho kulegolide; lokuzuza ukuqedisisa kukhethwa kulesiliva.

¹⁷Umgwaqo omkhulu wabaqotho yikusuka ebubini; olondoloza umphefumulo wakhe unanzelela indlela yakhe.

¹⁸Ukuzigqaja kuqalela ukubhujiswa, lokuziphakamisa komoya kuqalela ukuwa.

¹⁹Kungcono ukuthobeka ngomoya kanye labamnene, kulokwabelana impango labazigqajayo.

²⁰Ophatha udaba ngenhlakanipho uzathola okuhle; lothemba e Nkosi ni uyathaba.

²¹Ohlakaniphileyo ngenhliziyo kuthiwa ngoqedisisayo; lobumnandi bendebe bandisa imfundiso.

²²Ukuqedisisa kwabalakho kungumthombo wempilo, kodwa ukulaya kwezithutha kuyibuthutha.

²³Ingqondo yohlakaniphileyo yenza umlomo wakhe uhlakaniphe, izakwandisa imfundiso endebeni zakhe.

²⁴Amazwi amnandi aluhlanga loluju, amnandi emphefumulweni, ayimpiliso emathanjeni.

²⁵Kukhona indlela ebonakala iqondile emuntwini, kodwa ukuphela kwayo zindlela zokufa.

²⁶Umphefumulo womtshikatshiki uyazitshikatshikela, ngoba umlomo wakhe uyamkhuthaza.

²⁷Umuntu omubi ugebha ububi; lendebeni zakhe kulokunjengomlilo otshisayo.

²⁸Umuntu ophambeneyo ungenisa ingxabano, lonyeyayo wehlukanisa umngane oseduze.

²⁹Umuntu wobudlwangudlwangu uhuga umakhelwane wakhe, amhambise ngendlela engalunganga.

³⁰Uvala amehlo akhe ukuceba izinto eziphambeneyo, eluma indebe zakhe aqede ububi.

³¹Izimvu zekhanda zingumqhele wodumo; zitholakala endleleni yokulunga.

³²Ophuza ukuthukuthela ungcono kuleqhawe, lobusa umoya wakhe kulothumba umuzi.

³³Inkatho iphoselwa ethanganzini, kodwa isinqumo sayo sonke sivela e Nkosi ni.