Read Ndebele-IBhayibhili Elingcwele 2006 Izaga 17 Bible Online

Izaga 17 - Ndebele-IBhayibhili Elingcwele 2006 bible

Izaga 17

¹Ucezu olomileyo lokuthula kanye lalo lungcono kulendlu egcwele imihlatshelo lengxabano.

²Inceku ehlakaniphileyo izabusa phezu kwendodana eyangisayo, yehlukanise ilifa phakathi kwezelamani.

³Imbiza yokuncibilikisa ngeyesiliva, lesithando somlilo ngesegolide, kodwa i Nkosi ihlola izinhliziyo.

⁴Umenzi wobubi ulalela indebe ekhohlakeleyo; umqambimanga ubeka indlebe olimini oluchithayo.

⁵Oklolodela umyanga uthuka uMenzi wakhe; othokoza encithakalweni kayikuba msulwa.

⁶Abantwana babantwana bangumqhele wabadala, lodumo lwabantwana ngoyise.

⁷Indebe elobungcwethi kayisifanelanga isithutha; kakhulu kangakanani indebe yamanga isiphathamandla.

⁸Isipho siyilitshe eliligugu emehlweni abaniniso; loba ngaphi esiphendukela khona sizaphumelela.

⁹Osibekela isiphambeko udinga uthando, kodwa ophindaphinda udaba wehlukanisa umngane oseduze.

¹⁰Ukukhuza kuyajula koqedisisayo kulokutshaya isithutha ngokulikhulu.

¹¹Omubi udinga ububi kuphela, kodwa isithunywa esilesihluku sizathunyelwa kuye.

¹²Kakuthi ibhere elifelwe yimidlwane lihlangane lomuntu, kodwa hatshi isithutha ebuthutheni baso.

¹³Ophindisela okubi esikhundleni sokuhle, ububi kabuyikusuka endlini yakhe.

¹⁴Ukuqala kwenkani ku njengo kuvulela amanzi; ngakho yekela ingxabano ingakazivezi.

¹⁵Olungisisa omubi lolahla olungileyo bayisinengiso e Nkosi ni, ngitsho bobabili.

¹⁶Kungani kulemali yokuthenga inhlakanipho esandleni sesithutha, lokhu si ngelangqondo?

¹⁷Umngane uyathanda ngaso sonke isikhathi, lomzalwane uzalelwa inhlupheko.

¹⁸Umuntu oswela ingqondo uyabambana ngezandla ukuba yisibambiso phambi kukamakhelwane wakhe.

¹⁹Othanda isiphambeko uthanda inkani; ophakamisa umnyango wakhe udinga ukubhujiswa.

²⁰Olenhliziyo ephambeneyo katholi okuhle, lophambene ngolimi uwela ebubini.

²¹Ozala isithutha, sizakuba lusizi kuye; loyise wesithutha kathokozi.

²²Inhliziyo ethokozayo yenza kuhle njengo muthi, kodwa umoya owephukileyo womisa amathambo.

²³Omubi uthatha isipho esifubeni ukuphambula izindlela zesahlulelo.

²⁴Inhlakanipho iphambi koqedisisayo, kodwa amehlo esithutha asekucineni komhlaba.

²⁵Indodana eyisiwula ilusizi kuyise, iyikubaba kowayizalayo.

²⁶Ukuhlawulisa olungileyo lakho kakulunganga, lo kutshaya iziphathamandla ngenxa yobuqotho.

²⁷Owazi ulwazi ugodla amazwi akhe; umuntu oqedisisayo ulomoya opholileyo.

²⁸Isithutha esithuleyo laso sithiwa sihlakaniphile; ovala indebe zakhe uthiwa uyaqedisisa.