Read Ndebele-IBhayibhili Elingcwele 2006 Izaga 19 Bible Online

Izaga 19 - Ndebele-IBhayibhili Elingcwele 2006 bible

Izaga 19

¹Umyanga ohamba ngobuqotho bakhe ungcono kulophambeneyo endebeni zakhe, njalo oyisithutha.

²Futhi umphefumulo ongelalwazi kawulunganga, lophangisayo ngezinyawo uyona.

³Ubuthutha bomuntu buphambula indlela yakhe, lenhliziyo yakhe iyayithukuthelela i Nkosi.

⁴Inotho yengeza abangane abanengi, kodwa umyanga wehlukaniswa lomngane wakhe.

⁵Umfakazi wamanga kayikuba msulwa, lophafuza amanga kayikuphunyuka.

⁶Banengi abancenga ubuso beziphathamandla; njalo wonke ungumngane womuntu wezipho.

⁷Bonke abazalwane bomyanga bayamzonda; kakhulu kangakanani abangane bakhe besiya khatshana laye; uxotshana labo ng amazwi angesilutho.

⁸Ozuza ingqondo uthanda umphefumulo wakhe; unanzelela ukuqedisisa ukuthola okuhle.

⁹Umfakazi wamanga kayikuba msulwa, lophafuza amanga uzabhubha.

¹⁰Ukutamasa kakusifanele isiwula; kakhulu kangakanani ukuthi inceku ibuse phezu kweziphathamandla.

¹¹Ukuqedisisa komuntu kuphuzisa ukuthukuthela kwakhe; lodumo lwakhe yikwedlula isiphambeko.

¹²Ulaka lwenkosi lunjengokubhonga kwebhongo lesilwane, kodwa umusa wayo unjengamazolo etshanini.

¹³Indodana eyisithutha iyincithakalo kayise; lengxabano zomfazi ziyikuthonta njalonjalo.

¹⁴Umuzi lenotho kuyilifa labobaba, kodwa umfazi ohlakaniphileyo uvela e Nkosi ni.

¹⁵Ubuvila buphosela ebuthongweni obukhulu, lomphefumulo olivila uzalamba.

¹⁶Ogcina umlayo ugcina umphefumulo wakhe; odelela indlela zakhe uzakufa.

¹⁷Ozwela umyanga weboleka i Nkosi; izambhadala ngesenzo sakhe.

¹⁸Laya indodana yakho kuselethemba, kodwa ungaphakamisi umphefumulo wakho ukuyibulala.

¹⁹Ololaka olukhulu uzathwala inhlawulo; ngoba nxa u m ophula uzabe lokhu uqhubeka ukwenza.

²⁰Lalela izeluleko, wemukele imfundiso, ukuze uhlakaniphe ekucineni kwakho.

²¹Kulamacebo amanengi enhliziyweni yomuntu, kodwa iseluleko se Nkosi sona sizakuma.

²²Isiloyiso somuntu ngumusa wakhe, njalo umyanga ungcono kulomuntu wamanga.

²³Ukuyesaba i Nkosi kungokwempilo; ngoba olakho uzalala ebusuku esuthi; kayikwethekelelwa yibubi.

²⁴Ivila lifihla isandla salo emganwini, njalo kaliyikusibuyisela emlonyeni walo.

²⁵Tshaya isideleli ongelalwazi abesekhalipha; njalo khuza oqedisisayo, uzaqedisisa ulwazi.

²⁶Ochitha uyise, axotshe unina, uyindodana ethelela inhloni ilethe ihlazo.

²⁷Yekela, ndodana yami, ngokulalela imfundiso, ukuphambuka emazwini olwazi.

²⁸Umfakazi omubi udelela isahlulelo, lomlomo wabakhohlakeleyo uginya ububi.

²⁹Izahlulelo zilungiselwe izideleli, lemivimvinya umhlana wezithutha.