Read Ndebele-IBhayibhili Elingcwele 2006 Izaga 21 Bible Online

Izaga 21 - Ndebele-IBhayibhili Elingcwele 2006 bible

Izaga 21

¹Inhliziyo yenkosi isesandleni sikaJehova i njenge zifula zamanzi; uyiphendulela loba ngaphi athanda khona.

²Yonke indlela yomuntu ilungile emehlweni akhe, kodwa i Nkosi ihlola izinhliziyo.

³Ukwenza ukulunga lesahlulelo kukhethekile e Nkosi ni kulomhlatshelo.

⁴Ukuphakama kwamehlo, lokuzigqaja kwenhliziyo, lo kulima kwabakhohlakeleyo, kuyisono.

⁵Imicabango yokhutheleyo isenzuzweni kuphela, kodwa eyakhe wonke ophangisayo isekusweleni kuphela.

⁶Ukwenza inotho ngolimi lwamanga kuyize eliphephukayo elalabo abadinga ukufa.

⁷Isihluku sababi sizabahudula, ngoba besala ukwenza okulungileyo.

⁸Indlela yomuntu igobile njalo ilecala, kodwa ohlanzekileyo, umsebenzi wakhe uqondile.

⁹Kungcono ukuhlala engonsini yophahla kulalowesifazana wezinkani lendlini yokuhlanganyela.

¹⁰Umphefumulo wokhohlakeleyo uloyisa ububi; umakhelwane wakhe kemukeli umusa emehlweni akhe.

¹¹Nxa isideleli sijeziswa, umuntu ongelalwazi uyahlakanipha; lalapho ohlakaniphileyo elaywa wemukela ulwazi.

¹²Olungileyo uyananzelela indlu yokhohlakeleyo; uNkulunkulu uwisela abakhohlakeleyo ebubini.

¹³Ogcika indlebe yakhe ekukhaleni komyanga, laye uzakhala angaphendulwa.

¹⁴Isipho sensitha siyadedisa intukuthelo, lesivalamlomo esifubeni ulaka olulamandla.

¹⁵Kuyintokozo kolungileyo ukwenza ukulunga, kodwa kuluvalo kubenzi bobubi.

¹⁶Umuntu oduha endleleni yokuqedisisa uzahlala ebandleni lemimoya efileyo.

¹⁷Othanda injabulo uzakuba ngumyanga; othanda iwayini lamafutha kayikunotha.

¹⁸Okhohlakeleyo uyinhlawulelo yolungileyo, lesiphambeki esikhundleni sabaqotho.

¹⁹Kungcono ukuhlala elizweni eliyinkangala kulalowesifazana wezingxabano lolaka.

²⁰Kukhona imfuyo eloyisekayo lamafutha emzini wohlakaniphileyo, kodwa umuntu oyisithutha uyakuginya.

²¹Oxotshana lokulunga lomusa uzathola impilo, ukulunga, lodumo.

²²Ohlakaniphileyo ukhwela emzini wamaqhawe, adilizele phansi amandla ethemba lawo.

²³Ogcina umlomo wakhe lolimi lwakhe, ugcina umphefumulo wakhe ezinkathazweni.

²⁴Isideleli esizikhukhumezayo esizigqajayo libizo lakhe osebenza ngolaka lokuzikhukhumeza.

²⁵Isiloyiso sevila sizalibulala, ngoba izandla zalo ziyala ukusebenza.

²⁶Usuku lonke liloyisa isiloyiso, kodwa olungileyo uzakupha, angagodli.

²⁷Umhlatshelo wabakhohlakeleyo uyisinengiso; kakhulu kangakanani nxa bewuletha ngecebo elibi.

²⁸Umfakazi wamanga uzabhubha, kodwa umuntu olalelayo uzakhuluma njalonjalo.

²⁹Umuntu okhohlakeleyo wenza lukhuni ubuso bakhe, kodwa oqotho yena uyananzelela indlela yakhe.

³⁰Kakulanhlakanipho, njalo kakulakuqedisisa, njalo kakulaseluleko, okumelana le Nkosi.

³¹Ibhiza lilungiselwa usuku lwempi, kodwa ukukhululwa ngokwe Nkosi.