Read Ndebele-IBhayibhili Elingcwele 2006 Izaga 23 Bible Online

Izaga 23 - Ndebele-IBhayibhili Elingcwele 2006 bible

Izaga 23

¹Nxa uhlalela ukudla lesiphathamandla, qaphelisa lokuqaphelisa okuphambi kwakho.

²Ubeke ingqamu emphinjeni wakho uba uyisiminzi.

³Ungafisi izibondlo zaso, ngoba ziyikudla kwamanga.

⁴Ungatshikatshikeli ukunotha; pheza ekuqedisiseni kwakho.

⁵Uzandizisa yini amehlo akho kokungekho? Ngoba kuzazenzela lokuzenzela izimpiko njengokhozi oluphaphela emazulwini.

⁶Ungadli ukudla kolelihlo elibi, ungafisi izibondlo zakhe.

⁷Ngoba njengoba ecabangile emphefumulweni wakhe, unjalo. Uzakuthi: Dlana unathe; kodwa inhliziyo yakhe kayilawe.

⁸Ucezu oludlileyo uzaluhlanza, wone amazwi akho amnandi.

⁹Ungakhulumi endlebeni zoyisithutha, ngoba uzadelela inhlakanipho yamazwi akho.

¹⁰Ungatshedisi isikhonkwane esidala somngcele; ungangeni emasimini ezintandane;

¹¹ngoba uMhlengi wazo ulamandla; yena uzamela udaba lwazo kuwe.

¹²Beka inhliziyo yakho ekufundisweni, lezindlebe zakho emazwini olwazi.

¹³Ungagodleli umntwana isijeziso; nxa umtshaya ngoswazi kayikufa.

¹⁴Wena uzamtshaya ngoswazi, ukhulule umphefumulo wakhe esihogweni.

¹⁵Ndodana yami, uba inhliziyo yakho ihlakanipha, inhliziyo yami izathokoza, yebo eyami;

¹⁶lezinso zami zizajabula ekukhulumeni kwendebe zakho izinto eziqondileyo.

¹⁷Inhliziyo yakho kayingahawukeli izoni; kodwa bana ekwesabeni i Nkosi lonke usuku.

¹⁸Ngoba isibili kukhona umvuzo, lomlindelo wakho kawuyikuqunywa.

¹⁹Lalela wena, ndodana yami, uhlakaniphe, uqondise inhliziyo yakho endleleni.

²⁰Ungabi phakathi kwabanathi bewayini, phakathi kwezihwaba zenyama.

²¹Ngoba isidakwa lesihwaba sizakuba ngumyanga, lokuwozela kugqokisa amadabudabu.

²²Lalela uyihlo owakuzalayo, ungamdeleli unyoko esemdala.

²³Thenga iqiniso, unga li thengisi; inhlakanipho, lemfundiso, lokuqedisisa.

²⁴Uyise wolungileyo uzathaba lokuthaba; lozala ohlakaniphileyo uzathokoza ngaye.

²⁵Uyihlo lonyoko kabathokoze, lokuzeleyo kathabe.

²⁶Ndodana yami, ngiphe inhliziyo yakho, lamehlo akho kawananzelele indlela zami.

²⁷Ngoba iwule lingumgodi otshonayo, lowesifazana owemzini ungumthombo ongumcingo.

²⁸Laye ucathama njengomphangi, andise abangathembekanga phakathi kwabantu.

²⁹Ngubani olo: Maye? Ngubani olo: Wo? Ngubani olenkani? Ngubani olesililo? Ngubani olamanxeba ngeze? Ngubani olamehlo abomvu?

³⁰Yilabo abalibala ewayinini, yilabo abazedinga iwayini elixutshanisiweyo.

³¹Ungakhangeli iwayini, lapho lizibonakalisa libomvu, nxa linika umbala walo enkomitshini, lihamba liqondile.

³²E kucin eni kwalo liluma njengenyoka, lilume njengebululu.

³³Amehlo akho azabona abesifazana bemzini, lenhliziyo yakho ikhulume izinto eziphambeneyo.

³⁴Yebo, uzakuba njengolala enhliziyweni yolwandle, lanjengolala esihlokweni sensika yomkhumbi.

³⁵Bangitshayile, kangizwanga buhlungu; bangidutshuzile, kangikunanzanga. Ngizavuka nini? Ngiphinde ngilidinge futhi.